今天的故事.....今天的事故

最近每次飛老賓機, 都係有d野既! 今天又唔衰得晒!

由於今天的老總.....係一個頂尖出名"犀利"既, 個個一聽到佢個名都會話:「不如port sick 囉!」我前幾日都一路諗緊呢個問題。我個賓姐發現我會再同佢一齊飛, 佢都有問我port唔port好。賓姐"翳"左我好耐, 叫我陪佢返工! 算啦, 當留番d quota遲d用。

返到公司, 昆哥咁arm打比我, 原來昆哥最近同呢個老總飛過, 已經好左好多, 我當堂放下心頭大石。最後都有四個同事無返工, 好彩返左工, 唔係下個月就會有一班懲罰性飛機啦!

上到機, 見到三色台記者羅暉翔臨尾好匆忙上機。開頭我仲諗僅係咪佢, 見佢趕到一扑一碌, 留到成頭大汗, 個樣好熟, 但係當時實在無咁多時間諗其他野, 因為走得啦! 派餐個陣, 問佢係咪要報新聞, 於是confirm佢係。原來佢真人個樣都係好小朋友, 佢去報導賓賓政變。

返黎個程, 比阿哥一架cart撞落膝頭哥, 痛到我即刻坐左落地。由於無時間比我痛, 局住仲要做duty free。由於我無明顯傷痕, 我阿姐話寫定個report好d, 所以我同老總講左之後, 仲要返屋企寫。

老總個debriefing好好笑, 佢話多謝大家努力工作, 予其成日check住同邊個老總飛, 然後port sick, 實在屣時間, 不如100%做好班機啦。大家都發出會心微笑。

返到屋企後, 開始發覺有少少瘀痛......真係煩, 又要諗下點抖個report。

開電視, 咁arm就見到羅暉翔報緊新聞!