巧合的意外

由月頭開始, 一路都好忙, 係好忙, 完全冇用錯字眼!

頭一星期都係飛shopping機, 再患上感冒, 加上受人所托要去買D野, 所以係倫敦既時間, 我第一次覺得自己搵自己條命"較飛"。由喉嚨痛到發燒, 發冷, 發熱, 標晒大汗, 到食到冇晒藥, 跟住咳, 係一日裏面發生。第二日, 無計, 點都要出去買藥, 所以冒住生命危險, 都要出去, 順便幫Hazel買佢既心頭好! 亦可能因為咁樣頻撲法, 反而覺得精神D。到走果日, 終於聲都盟埋!

第二星期, 去左首爾同星加坡。由於我兩間新酒店都未住過, 所以繼續流住鼻水周圍去!

返香港之後, 先諗下點解我仲流緊鼻水, 於是再睇醫生, 先發現我係鼻敏感。我真係病到懵左, 醫生問我要唔要假, 我竟然答唔洗! 其實到左呢個階段, 我已經係病入膏肓, 個人係"支力"到乜都唔識反應。

到前日差唔多好返, 我隻腳猙又無端端發炎, 真係吹脹!

忙繼續唔放過我, 擒日去埋迫書展! 今日先得閒去買腳痛藥!

咁究竟巧合D乜? 仲未講到......

其實我呢段日子以來都唔知"飛"錯線, 我將我條線飛左去"未能接通"模式! 直至阿Ball有一日搵到我話比我知。於是, 就係咁, 過左半個月無voicemail, 無銀行騷擾hardsell佢地D產品, 無晒D無聊電話錄音junk call......, 避免晒D "entertained call", 返而可以比我多D時間休養。

真係錯有錯著!