時光倒流兩個幾星期.....

11月尾, 去過一次超市入貨, 包括有限期既食物, 好似yogurt, 生菜, 豆腐花。 去左兩次Seoul, 返里又搦左d韓國果汁同yogurt。

12月7日, 買一斤西洋菜煲老火湯, 用左一半; 煮飯, 一餐食唔晒, 擺埋係雪櫃。

12月8日, 寄聖誕禮物比美女蟹貞同少女希, 行下街, 就順便係街食埋飯囉!

12月9日, 返學後泡旺角, 趁人唔多, 食埋飯先返屋企!

12月10日, 同PSM, 小春睇墨攻, 幾好睇呀! 唔似d影評咁差, 劉華仲要成套戲由頭型到尾; 之後一齊食飯囉!

12月11日, 去大阪, 買左d野食, 例如士多啤梨蛋糕...etc, 跟住搦左日本橙汁同蘋果汁, 仲有烏龍茶。 之後去超市準備晚餐, 突然先醒起, 雪櫃有野喎! 但係我只係記得有半個生菜同老火湯, 其他d野, 仲未留意到有計時炸彈! 見到菜心苗好靚, 買呀; 唐生菜, 都好靚, 買; 節瓜, 好靚, 再買! 仲有兩個合桃蛋糕, 煲湯料。返到屋企, 大鑊啦, 如夢初醒! 個雪櫃點解咁多野? 韓國yogurt已過期, 自己買個d差唔多到期, 豆腐花過期.............食食下飯, 聞到好大浸"蕉隨"。咦? 連我自己幾時買左梳蕉到唔記得, 已經熟晒啦!

12月13日, 又再去Seoul, 買左個mocha蛋糕。 返屋企, 再望下餐台上呢排既戰利品, 咦, 點解又成台蛋糕既?

12月15日, 西貢turnaround + 公司party; 如果唔係PSM話去, 我一定返屋企大覺訓! 收到今年第一份聖誕禮物, wongoy送既, 就係下面"紅搏搏"果盒! 條港龍電話繩係party玩game既獎品!

12月16日, 同靚女芬午膳; 返學; 入流浮山做冬; 跟住, 趕返屋企準備聽日大戰名古屋! 其實過左咁多日, 我真係好殘!

12月17日, 差d遲到, 又搭的士, 今個星期搭左好多次的士! 到名古屋之後, 順便買d聖誕禮物, 開始覺得身體支持唔到。

12月18日, 起身之後, 小腿, 周身骨痛, 肚痾, 頭痛! 但又未買齊野, 於是唔理咁多, 又再出去; 下晝返港, 係飛機度, 突現肚脹到實一實, 成身發滾, 阿姐同老總好好人, 比我坐係菠蘿休息!

今日, 去醫生度check下, 連醫生都話點解個肚咁脹; 最意外係, 佢比左三日假我呀, 所以先有時間打返呢兩個幾禮拜既事........

係呢, 大家數唔數到我雪櫃仲有幾多野呢? 食既食左, dum既dum左.........仲係咁多野..............