冇里搭圾

好聽D, 男人叫不羈, 女人叫善變, 但係好在於個人演繹, 一但眼高手低, 又或者差少少灑脫, 就會變成不X知所謂。

以上既開場白, 我好希望我識既人都唔會係咁!

今次, 第三次再去紐約, 同PSM調埋一齊飛, 好開心! 本來既搞屎棍朱夢琴話同埋我地一齊去, 竟然係出發前突然人間蒸發, 連佢屋企人都話唔知佢去左邊! 好老實, 朱夢琴呢d事對我里講, 絕對唔新鮮, 但係枉費PSM為佢準備既野。其實就算最後唔想去, 係一d都無所謂, 我地亦唔會迫你where個理由出黎。我同PSM既見解係一致既.......至少都打個電話通知人, 呢D係好basic既, 咁大個人根本唔需要教!

攪到PSM一講起呢件事就會:「冇里搭圾!」

已經過左六日, 我地亦返到香港, 但係連留言都無一個, 我仲可以講乜?