萬能勇士戰群魔

我比較崇洋, 所以鬼佬野唔係好arm我, 卡通都唔例外! 而呢套可以話係萬中無一既! 無三十既都唔會睇過呢套卡通, 對於細路時既記憶, 都已經好模糊。

兩星期前, 行開街買VCD, 咁arm開始promote超人回歸, 所以VCD舖都將一D有關既野都擺晒出黎。開頭只係見到DVD, 好貴, 後未就見到有VCD版擺係特價架, $19, 好抵, 所以即刻買左兩隻重溫!

記得以前一星期只係做一次, 半個鐘。我鍾意睇係因為好straight forward, 同埋有好多角色。除左有固定既, 集集都出場既超人, batman, robin同神奇女俠之外, 仲有好多featuring character, 好似閃電俠, 蜘蛛俠, 潛水俠, 綠光俠, 連泰山都有份, 真係好攪野, 仲有一D連名都諗唔起既, 但又好似有D印象既人物。以前唔興featuring呢個字, 但係創作上已經存在左好耐!

睇完之後, 先發現仲有一對我想重溫佢地施法既人物尚未出現..........雙指少俠! 係一男一女, 每人帶住半邊戒指, 當兩邊戒指併埋之後, 就有法力可以變身架啦! 好頂癮架!