濛查查的......

近排係屋企既時間多左, 但係天氣好既日子, 寥寥可數! 前日係唯一一日可以好清楚望到西環。今日又一號風球, 晏晝起身一望, 白煙蓋過晒所有野。雖然唔覺好熱, 但就完全好似呼吸唔到空氣咁, D白煙好似將所有野焗埋一齊, 睇下幾時熟。

因為咁樣, 我呢個懶人又有一個好好既藉口係屋企hea。都唔知點解, 我經常見光"死"! 日光白白, 我話訓就訓, 訓幾耐都得! 夜晚, 我就鬼打都無咁精神。我覺得香港應該有D通宵既地方, 可以比我呢D"時差人"hea, 例如書局, 乜mart物mart之類, 最好仲有24小時gym, 我到時想excuse自己唔做運動都唔得啦!

擒日, 我根本都唔在意係七月十四。就算我係街邊見到人燒衣, 都唔醒爬。直至夜晚, 開收音機, 聽到個主持係咁講, 我先醒起! 唔緊要啦, 最多咪聽朝先dum垃圾! 於是繼續睇DVD同"死亡筆記"。

點解放假既時候硬係過得特別快, 眨下眼, 又一星期, 又要溫下我D人參話, 好難呀! 尤其係個字既尾音係"L", 又唔係捲利, 又要整個er音, 真係頭痕!