搬Blog啟事

由今日開始, 我會搬我個blog去:

http://hk.myblog.yahoo.com/little-sunn

各位係個度見!

唔知有無人可以話到比我聽......

自從切返架機後, 發覺睇唔到自己張profile photo。睇晒所有instruction, 用盡所有方法, 都無辦法可以擺返張相落去亞。阿ball, 得閒話比我知你點擺......呢個blog, 真係好鬼煩, 我真係好想搬佢走!

「阿姐係乜野里架?」

陪PSM巡視業務, 個半月竟然賣左七樣野, 有d意外! 好開始!

之後, PSM話要買一本靚既筆記簿, 用里做貓紙, 寫低d平時我地返工經常要用既數字, 好似28, 42既倍數。

左簡右簡, 唔係太大本, 就係太貴, 再唔係就過份精美, 根本無位寫野......

於是PSM每搦起一本問我得唔得個陣, 我都會答:「阿姐係乜野里架?」 摸不著頭腦既PSM當然唔知我講乜!



買得太靚, 一定會比d唔好心地既人據為己有。加上, PSM只係會掛住望實本野, 而唔記得要做乜野。

至於一d好得意既, 只係會引來狂蜂浪蝶既垂青; 一搦出里, 條靚一定問:「阿姐係乜野里架?」根住就輪到大家姐, 紫姐再問:「阿姐係乜野里架?」

咁, PSM咪要答幾次囉! 咁, 原本要做既野咪.........

同埋d多口既會話:「咦, 原來佢唔識乘數喎! 呢, 阿姐囉!.........」

最後, 當然買左圖中幾本, 預埋比老昆添!

又夾我!

今日又比人夾.......後日去腸仔國。好彩, 唔係要去非州食減肥餐!

討厭的態度!

先祝阿允生日快樂! 托各位既鴻福, 今日終於係精神好d既一日!

收到小寶代蟹貞寫既 e mail, 話想睇Suzanna Kwan, Raymond Lam 同 Linda Cheung既演唱會, 想知詳情。 拗晒頭, 邊個里架???? 打電話比靚女芬, 果然有料到: 「會唔會係關菊英?.....係得佢會開演唱會嗟!」

上網check, case confirmed。 另外兩位係林峰同鍾嘉欣, 只係小寶將Chung打成Cheung, 估到我呀!

由於時間關係, 我係未搵到結果前, 已經reply小寶, 叫講清楚係邊個, 點知佢吋爆地用埋d美式英語加MSN簡寫term覆我。佢好懷疑點解我會唔知, 我好唔鍾意呢種態度! 我好明白, 小朋友既表達能力有限, 但係呢d咁囂屎既態度係唔可以接受既!

命中注定

突然諗起今年既運程係要小心感冒, 中!

依然仲係糾纏緊; 擒日安娜打里約出黎, 我真係唔好意思, 因為我都無乜心機, 喉龍好痛, 唔想出聲, 隻小腿比前日更痛, 但係佢咁遠返黎, 點都要聚一聚。 同安娜飲完茶後, 決定唔睇醫生注, 一來公眾假期, 二來都係比返果d藥我, 三, 我近排去睇醫生太多, 唔想上去坐住等............於是, 去搵鬍鬚佬配d好d既藥。

行過PSM間"舖", 發現佢有樣貴野比人買左, 等唔切又call佢話比佢知; 於是我地咪去左飲茶蘿!

搦返部desktop, 返到屋企, 已經剩返半條人命, 應該係要休息, 但係我又心有不甘, 好想快d按返部腦, 搞下搞下, 真係頂唔順, 額頭發熱, 周身無力........

今朝訓醒, 繼續"維修", 突然肚痾, 於是又死返上床; 到黃昏起身, 覺得精神好好多。

唔知要同d感冒菌搏鬥到幾時呢?

當我部desktop砌返七七八八既時候, 我部 laptop又出現左d setting問題, 上唔到網, 唔識搞, 整左成日, 都係要放棄, 留返聽日打電話問公課, 希望易d攪啦!

七月一日

起身已經係三點幾, 正! 唔知幾時又"甕咩"左個電話, 安娜返左黎, 佢以為我煲長途電話。

雖然訓左咁耐, 但係隻小腿都係冤痛到死, 於是又係upapa出動之時, 下下好舒服。

好安樂咁落左街買野同今晚餐飯, 返屋企之後, 幫個露台d花減下肥, 真係無計, 大得太快。一邊洗乾淨個露台, 一邊洗衫, 善用時間! 突然聽到電視話放花, 我望一望對面, 今晚竟然睇到, 雖然只係少少, 但真係要天氣好好先睇到, 感覺幾得意!

休日予定!

相信呢幾日既假期, 會係好嫌悶地入番我部desktop既software!

我部腦中左毒, 要由頭load過晒d野, 順便換d零件, 埋單又過千, 後日搦返架機先睇下點攪。

唔知發生乜野事, 我部laptop都無辦法無線上網, 算啦, 依家有線上到, 好過無!

題外話, 所以小寶, 你千奇唔好諗住返里打我部電腦主意, 我唔會比你得逞既! so sorry!