思,椿......來了!

好耐無見PSM, 因為我地d更唔多夾。擒日咁arm返完學, 行緊街, 諗住一陣call佢食飯, 點知PSM就電話到, 我更係捉佢出黎食飯啦!

鬼馬既PSM真係好眼厲, 一見到我, 就指住我同佢老公小春:「你地著制服喎!」

食完飯後, 無野做, 於是黎左我屋企坐, 咁好機會, 更係要映張相比大家睇!

收到張買衫舖credit card, 英文子毋果間呢! 由我出黎做野開始, 呢間發卡銀行不嬲都唔受我玩, 唔知點解今次"皇恩大卸"呢! 我已經約定PSM一齊去掃.......

仲有阿允, 你要既野已經搞掂, 但係由於我比較忙, 我會遲d先擰比PSM, take care!

放假must do事

又一排唔得閒既日子! 又再重複"放假must do事", 就係要去睇醫生, 討厭!

我近來百病叢生, 唔洗擔心, 應該都唔係大問題, 但相信需要時間治療。今日忍唔住呢排既猜疑, 去做一次檢查, 等report出左先算, 所以唔係呢度講發生左乜野事, 有乜唔舒服。

由於我基本上係好精神既, 所以去完醫生度, 食個早飯, 時間尚早, 心情好好......哈哈.....條行街筋又發作, 出發!

買左兩本人參話學習書, 因為書局最後三日七折, 我都覺得有D黐! 跟注去埋睇衫, 心思思.......再等下先, 同埋等埋張新credit card到手都未遲。

買埋煲湯料, 正呀, 今次轉左少少receipe, 試下美女蟹貞既介紹先,......(紅白蘿蔔煲雞), 我就無時間準備雞, 所以用返豬骨, 都幾得喎!

花見

小學時讀自然科話植物留住根過冬, 然後係春天再發芽, 我終於體驗到啦!

上圖既花花, 已經係今年夏天熱得滯果陣已經supposed bye bye左啦! 我就一路都再無種任何新野落個盆度, 點知近排又生返出黎喎, 真係唔好睇少呢D discovery channel既力量!

一公升眼淚

再講日劇! 一公升眼淚已經係一年前既作品, 本來我無諗住睇, 因為又係d喊餐死既戲。但最近, 我都買左套老翻, (最衰係我唔知無記將會播), 因為呢套戲d歌好正!

主題曲係K既only human, 我就麻麻地。反而由レミオロメン(Remioromen)主唱既插曲, 我就非常鍾意。"粉雪", 我一聽就愛上左, 由舊年年尾, 聽到依家仲好鍾意; 另一隻係"3月9日", (學生合唱果隻歌既原裝版) 亦係好衾聽。

レミオロメン亦會係十一月頭推出今年既限量版Live CD。各友好如果咁arm呢段時間去日本, 唔該幫我買番隻!

CAとお呼びっ！

又一套好笑日劇! 當中都有d講人生道理既悶場, 但係都幾好睇。好睇既原因係有代入感, 講好多關於crew既真實情況, 例如: D客掉低個gip叫你抬, 又要比人gat, 又呢份報紙, 果份報紙, 無就要打要殺; 落左機仲要寫悔過書; 又有contract crew同permanent crew; 同埋成日比人踩場吋爆.........

好耐未試過咁快睇完一套劇!

指甲生病了!

我d手指甲病左! 要睇專科, 我對d專科醫生既印像真係麻麻, 因為佢地真係好似唔憂做咁。預先預約左, 去到都要等餐死, 態度比一般門診醫生仲要求奇!

醫生望一望我d手甲:「灰甲囉, 剪d去驗下先算啦! 你自己擰去驗, 等report出左先睇下用乜野藥醫, 我唔會call你架啦, 你鍾意就自己打電話黎check。」

我最擔心既, 係唔係我d內臟有事, 我自己唔知。醫生話唔關事, 純粹係有病箘感染, 但都要等report出左先。

依家, 每星期, 我要挫兩次手甲, 然後搽d好似護甲油既野, 早晚仲要搽藥膏, 好煩呀!

轉新版

根據呢道既指示, 我已經將我個blog轉左beta版!

轉左之後, 又唔覺有乜唔同, 只係有d野display到英文, 多左個dash board, sign in就用e mail account。

冬眠前奏

冬天未到, 但係冬眠意欲相當強勁!

呢幾日, 都覺得好好訓, 係可以日日夜夜不停咁訓, 無論任可地方, 總之, 想訓幾耐就幾耐, 好正!

真係唔好打攪我!

禮上往來

十月八號係PSM一年一渡既大日子, 恭喜恭喜! 希望你鍾意我預先送比你既生日禮物!

"可樂" 係PSM去完Vegas送既, 而"姆明"就係安娜去完北歐既紀念品!

十月一日

公眾假期, plan左唔出街同人迫。 到最後, 都係出左, 同靚女芬, 珍到屯門飲茶。

諗唔到芬芬咁早就入到屯門, 我好眼訓, 靚女珍呢頭call完我, 我果頭訓番! 到我再醒之時, 已經係一個鐘之後, 仲係好眼訓, 仲衰過比人打左一身, 當然係遲大到啦!

飲完茶後, 無野做, 我話不如去沙田行街, 順便上芬芬屋企搗亂。由於都係未減價, 我既買野意欲又跌破新低點。Hea完一輪之後, 買左個芒果蛋糕去芬芬屋企切!

外甥肥仔聰又肥左一個碼! 叫肥仔播軍曹大電影比我睇, 戲入面有講軍曹坐係地下切高達, 我再望下肥仔, 佢咁arm, 又係坐係我隔離地下切緊高達, 表情又一樣。再諗下, 兩個都係唔准出街既, 我真係忍唔注笑!

睇完軍曹, 我真係眼訓到忍唔住, 唔覺意恰左兩個鐘! 起身後, 係雪櫃搦左盒檸檬茶, 準備飲果陣, 突然被叫stop! 乜野事呀? 完來係last一盒, 肥仔聰曾經制止靚女珍飲, 但係呢件事發生果陣, 我係訓左既, 所以唔知!

我:「插左筒囉喎!」
聰:「唔緊要啦!」(我以為佢真係咁大方..........咁, 我咪飲囉!)
聰:「唔好呀! 比我飲, (我飲過喎!) 換過支筒咪得啦!」
我打開雪櫃:「你仲邊有筒?」
聰:「係其他野度mit支咪得囉!」
我:「唔係阿化!」
聰:「咁你飲啦!」

呢個時候, 靚女珍加入戰團:「肥仔, 求先我想飲, 就叫我飲泰國雪碧, 依家舅父飲就得..........XYZ@@###@$$$%%%^」三個人既追逐戰, 就係咁樣開始啦!

再添新成員!

終於買左新DVD錄影機, 內置160G。擒晚插左成晚........線先搞惦, 因為我既無記性又發作, 之前拆走部舊錄影機個陣, "孟"過晒d線, 到依家, 邊條係邊條....呵呵!

我架係GK-9400, 同呢部差唔多, 大家請移玉步:
http://www.soman.net/CASE/JK/en/productshow.asp?class=DVD%20Player&id=8

再遊倫記

上圖為倫敦八達通, "Oyster". 好用! 我一路都好肉痛係倫敦搭車好貴。呢張卡同香港八達通一樣用法, 但係搭地鐵同巴士只係半假。急不及待去搭下車去Oxford先, 點知塞車, 由於Kensington到Knightsbridge一帶修路, 吹! 我其實低左, 呢條路根本平時都成日塞車, 下次要記得!

隔離ballball台係東京買到破產, 我係倫敦就從來未試過淨返咁多錢, 因為仲未減價, 但係有好多靚野, 睇怕都要麻煩PSM下個月代勞!