豬年繼續行大運!

我都知走唔甩! 我意思係走唔甩個standby!

星期五有一日假期, 好似放監咁, 心急到又去左英文字母舖買左條褲, 因為已經換左季!

擒日夜晚先開始standby, 所以可以返學, 唔洗走堂, 又即將考final, 唔想skip咁多。之後, 做左個曼谷turn, 加班機, 一程無客, 但始終逃唔出delay既命運; 算啦, 無乜幾可又係凌晨返可以搭的士。同事比利是我地抽, 係唔同貨幣, 比我抽到個二獎, 唔錯啦! 而我班機有個出名人, 竟然無發作; 咁轎, 又唔夠人, 我咪"升職"囉!

講開又講, d女真係port sick到離晒普, 前日已經比齊晒我呢五日既duty, 係咪誇張左d呢? 仲要做左兩班機係唔夠人......但係我亦好明白點解成日唔返工, 我自己都有唔想返工既時候; 總之, 早d通知, 唔好累街坊, 唔洗做後備既同事趕到趴街。

我聽日做埋首爾加大後日個馬拉turn, 就大公告成, 又可以回復正常!

近期至愛歌:
1. 朴孝信 - 추억은 사랑을 닮아 (回憶與愛相似)
- 係每日不停咁聽, 長期set左repeat!

2.Brian - 사랑하지 않으니까요 (不愛了)
- Brian隻碟, 有好多歌都好正, 呢隻係其中一隻!

3. 泳兒 - 感應
- 唔知點解我唔係好鍾意花無雪, 點都係中島美嘉版好好多;
亦唔知點解擰返出里聽!

唔通真係豬年行大運?

年初二應該係開年, 無奈係第一日standby, 預左無得玩。11點standby, 我預左要返工! 我10點半手痕, 走去電腦acknowledge duty, 無諗個咁抆11:40 briefing去大板。嚇到我魂魄唔齊, 即call的飛返公司! 開頭以為唔可以claim車錢, 原來係departure前三個鐘自動"獻身"都受既!

意外收獲, 老cap比左每人一封一白蚊利是, 未試過! 無乜客, d同事又得, 仲有休息時間.......marvellous!

到年初四, 北京, 諗住ok, 點知北京因為大霧, "全線大飲茶", briefing完後, all release但係要凌晨3:30再返里睇下到時點........開頭唔比酒店, 於是好多人走左。但係我個陣無車搭, 係公司門口等緊, 應該係發呆個陣, 突然有同事通知我可以check in酒店, 好呀!

3:30am, 返公司, 你話啦, 返左屋企d女, 仲會唔會同你顛, 梗係即刻全部病晒, 夾埋再call standby, 全機只係得九個人, 但九成滿, 好彩d客幾好。聽講仲有錢分, 因為唔夠人。

下晝趕得切同安娜飲茶兼抖大利是, 係真係好大架! 之後咁蹺, 熙嫂係同一個mall度, 於是又再發多次新年財。之後諗注去行下先返屋企, 點知突然間個胃好唔舒服, 可能之前同安娜飲茶時食得太飽, 只不過, 跟住開始頭暈眼花, 又想嘔。 我知道好危險, 因為"長途機症候郡"發作, 一定要即刻返屋企, 我已經超過左一日無乜點訓過!

睡得超甜!

豬年好運, 恭喜發財!

祝各親友樣樣都好! 新一年好似我呢個揮春咁colourful!




年廿九去行花市, 想買盆栽, 但係無乜野合我意, 同埋好迫人, 所以好快就走。 但係無理由空手而回架.......係呢個時候, 見到呢棵花! 只係25蚊, 買完之後, 先醒起我係無花樽個喎.........於是買埋啦......行下行下, 先發覺"雞仔大個主人婆"事件將會發生!
冇計, 買個最平又親我屋企既....53蚊成交! 擺好晒之後, 又好似幾靚仔喎, 都無白費心機!

今日年初一, 發現花中花, 所以影低比大家睇。我對"無忘我"唔熟識, 見到藍花中又開左d白色既, 幾得意咁喎!

考試日與"姑媽"

今日終於做左啦! 為左呢個升職試, 係呢個月, 實在令我死左唔少細胞! 我亦都係最後呢幾日, 忍耐唔到而盤呸!

好好彩, 今日總算過關。另外今日有d意外收獲, 就係見番好多batchmate, 仲一齊食飯吹水! 當然唔少得同我一齊闖蕩江湖既PSM啦!

我地又有新笑話啦, 唔知大家有無睇"突圍行動", 楊思琪扮可憐叫米雪個樣:「姑媽, 我唔想架...xxxxxxx」原來PSM扮得好似架, 我仲潤PSM, 佢可以做續集既水腫版楊思琪, 我仲幫佢諗埋劇情, 講楊思琪由於長期癱瘓引致水腫, 醒返之後繼續復仇!

而家, 我地見親都猛係到姑媽黎, 姑媽去囉!