睇戲

擒日去睇左達文西, 好正, 無乜人!

最正既係, 我唔知呢間戲院係有特價比幾間公司既員工, 好似如廁航空, 獅子銀行, 老鼠樂園。

但係我無帶ID呀, 算啦, 下次黎過。

講返套戲, 唔係影評咁差, 但係實在太快踢爆晒D翹, D謎太易解開。

攪事的下雨天!

今日做左D好有益既事............打書釘!

落雨.....無聊無聊......唔做D野唔得!

我想睇達文西, 但係又想睇下原著, 覺得個價錢貴, 都係留返去台灣或者檳城先買。再睇下我D貓書, kawaii desune! D肥貓又差D令我衝動走出旺角去探下佢地添!

再睇下D海水魚入門, 都幾煩喎! 但係我都想試下養, 都係睇定先啦!

研究埋我下一樣如無意外將會學既韓文。我終於有少少basic idea, 知道佢地D鬼畫符係點黎既, 我覺得D併音都唔會難到我!

好彩落雨, 唔係我屋企又會多左呢咋書封塵啦!

人氣榜!

我呢個blog, 都出現過好多人物, 為左保持住一定既私隱, 我會繼續用"藝名"。但係各位知唔知最多人查詢既人氣人物係邊個?

候選名單:
PSM, 阿Ball, 錢生, 朱夢琴, 芬芬, 靚女珍, 美女蟹貞, 小春, 阿允, 昆哥, Hazel, 熙熙, 黃生&黃太, 太后, 三少, 少女希........

埋黎睇, 埋黎簡.....

放假總是任性的藉口

都唔知點解, 呢幾日條買野筋硬係痕得好犀利! 可能係太耐無飛long haul, 無得係第二度行, 有D失落!

放三日假, 放埋又開始受靶, 預左日日比人CALL埋D豬頭骨! 可能為左補償自己, 加埋D天氣太perfect, 越係落雨, 越係想攔街, 一攔街, 就周身痕, 乜都想買, 今日差D買左架搾汁機! 因為我近來愛上飲汁, 特別係溝到亂晒龍既, 好似甘荀+蘋果+薑, 就係"賣飛彿"。前日就差D買左對鞋.......擒日就真係買左好多body shop既foot spray, 好平, 仲有比我搵到想買好耐, 但又無貨既"百花齊放 - 草蜢精選"。

今朝起身仲癡, 突然好想食西餅, 但係出面就越落越大, 無辦法, 無野止痕, 所以冒雨瀾左出去囉餅, 仲買埋小丸子真人版老翻添!

氣, side戲

睇左"Silent Hill", 一早睇左影評, 已經有心理準備, 期望唔大!

驚嚇片, 可以拍到D觀眾咁靜, 都應該檢討下! 我成場都好silent, 除左傾計個陣!

可能要就返個game, 就格硬切左個好老土既ending!

P.S. 阿允, 我地收到你既禮物啦, 多謝!

味自慢risotto

催生中! 朱夢琴の怪奇事件簿!

我一路都叫緊朱夢琴開一個屬於佢自己既blog。

無可能想像點解朱夢琴每日都有D好奇怪既事發生, 而且過程匪夷所思, 非等閒之輩可以輕易遇到既!

最近一單, 就係玩"斷指", 同斷背無關, 佢真係比人整親隻手指公。我仲忍唔住潤佢係咪係飛機撩客打交! 激到佢死!

識左佢都N年, 以佢既奇遇出書既話, 我會覺得佢一定成為新一代既正義才女指標, 信和人氣指數一定熱爆! 佢最令我覺得驕傲既名言係:「就算無發生過既, 都要催眠自己當係真既!」

各為支持朱小姐開blog既話, 請踴躍發表你既意見吧!

行街與買野

行街同買野有無關係既呢?

街, 我每日都行下。野, 我每日都一定買..........D......食既嗟!

同PSM午間小聚後, 因為某個原因, 我地去左行街睇男裝。我自告奮勇去試, 點知試下試下就出事啦, 買左條型褲同型belt。

唔好誤會我因為咁樣而自責! 唔單只一D都冇, 仲開始發覺自己揀野越來越有眼光! 真係無辦法!

littlesunn奇異檔案之開唔到的花

PSM送既朱頂蘭!

PSM, 你無認錯。係你送個棵, 個packing係橙色, 但係開左花, 就係咁樣。

唔知點解, 朵花開極都係開唔盡!

我得閒問下芬芬果棵係咪咁!