告一段落

完成左上堂前既最後一班機, 去倫敦! 今次又再不約而同撞正又凍又落雨既公眾假期!

酒店加左TVB, 在channel 24, 但唔係間間房收到, 所以有同事悶到發瘟! 雖然落雨, 但係我都心有不甘死左出downtown, 但係真係頂唔順咁凍, 無收獲之餘, 都係快快趣趣返酒店大覺訓好過!

有同事托我買No.7既serum, 係咪近排好hit? 賣到斷晒市!

四日假期, 同班同學都一齊放呢幾日, 真係好想係上堂前搵佢地出里飲下茶, 雖然四日後都會見!

新"相片"!

終於有時間換張新相! 近排成日好想追, 但又無時間睇既"死神" - 黑崎一護!

上堂時間表

更表出左, 有上堂時間啦!

我地班分開左兩批上, 好可惜, PSM唔同我同班啦! 佢都有d唔開心。

先上既有我, 老昆, wongoy, Barbie, kalafaye, 2warn, 慧慧銀, 費安娜。

之後個星期有PSM, Bibi, 發水, 珍納, J-fa同路易司。

亦由六月開始, 我地個更表會三個月唔調得。

懶人需要四十蚊!

又係一個懶字, 今日根本一早就知道會有狂風暴雨, 行雷閃電, 但係我又要懶, 又姑且以搏一搏既心態, 所以出街唔帶遮!

放學時雨都未停過, 好彩有四個同班美少女同學好心遮埋我去旺角, 有一個同大姪女仲好似樣添, 有機會真係要擰張相黎拼下!

跟住自己行街, 實在頂唔順咁大雨, 谷住買把遮啦! 今次盛惠40蚊! 我而家究竟買左幾多把用左一次既遮呢?

老笠記!

上左新"珍寶"堂之後, 又再發現多一樣唔著數既地方, 就係會係無心理準備既情況下被老笠.......無倫你個更表有幾咁無懈可擊!

呢架飛機終於係前幾日到左, 亦開始左大追捕。前日, 我被人隔硬夾左去"炒米", 其實我無乜唔開心, 因為本來就係要飛阿細班曼谷。 Briefing之後, 同事開始講點樣被人夾返黎飛既故事! 大部份係standby, 其他人就係將你係原本班機監粗扯你出黎。 有人係兩班日本overnight, 質左兩班曼谷/炒米overnight; 有人係Penang 4日, 之後仲要standby 2日.........有人向有關方面反映, 但係咪又係hea左去, 又唔應承下個月會唔會比返你, 我地簡直怨聲載道!

公司都知呢幾日夾人夾得好利害, 所以sent左個e mail比我地呢班人, 叫我地忍耐。

講開新飛機, 咪以為我地呢班全部係好人, 未必, 我自己有份都係咁講! 我班機, 有條出名人參周圍鬧人, 連有個唔係本地既阿姐都要用廣東話話佢係老姑婆; 有個唔知幾時升正黑衫既阿哥, 淨係識刷鞋同摺紙; 加埋d新同事, 都唔知真傻定假傻, 真係好勻旬!

但係要好多謝兩位阿姐, 佢地知我就里上堂, 要做功課, 好主動講左好多technique比我知, 仲教左我好多heat餐秘技。

今日返公司撞到barbie, 佢話比我聽唔洗等更表出先去羅新制服, 唔係遲左可能會無碼, 所以我今日已經羅左新制服啦, 雖然只係一條tie!

另外, Barbie仲逞清左佢未係結婚!

一念地獄之洗衫篇!

講到尾....都係因為我懶。

大家refer去我之前有一篇, "安娜的手信", 其中一份禮物係一件藍色T-shirt。 曾經諗過, 丟唔丟落機洗, 因為實在太藍啦, 以我既經驗, 係一定甩色既.........爭扎左一倫......算啦, 時運高, 睇唔到, 無理由咁好彩既, 丟佢落洗衣機同其他衫一齊洗。 開制, 大覺訓!

由於大覺訓, 所以電視, 電腦, 窗, 窗簾都係開住, 所以今朝好早就起身去刪返晒呢d野。突然諗起, 擒晚好似有d野做緊, 係乜野呢?.......係"浪衫", 打開洗衣機, 就好似哥哥首"打開信箱"既歌詞一樣, "內裏得一偏迷惘"...........

晨早流流大家樂!!!!

死死氣搦注支漂白水漂囉, 搞左我個半鐘!

另外, miss今日請假, 我唔洗返學, 好開心! 因為今日原本要測驗, 我又好似未係好讀得識, 好呀, 又多一個禮拜比我hea, 同埋今日可以攔街!

金字塔

近排鍾意"潛"人d相!

早前係方米粉度"潛", 跟住係安娜架相機.......因為安娜唔識upload相, 所以我只可以曬個hardcopy, 然後scan上里!

上堂啦!

arm arm返屋企, check e mail, 公司通知我會係六月上堂; 夜媽媽, call唔切PSM各人, 好快就可以同大家又一齊返公啦!

安娜的手信

安娜好快又去完埃及, 呢笪地方我都好想去。 而我今次既手信有T-shirt, 沙樽同香水樽。

由於我好恨去又無得去, 所以夾硬搦左安娜d風景相去曬, 遲d有得睇!

少女希的生日文章

外甥少女希明天生日, 今日已經急不及待係自己個blog度宣傳一番。

係度予祝少女希生日快樂, 快高長大。佢係個blog度咁樣"要求"我送禮物.........唉, 我唔會走左去既! 等佢暑假返香港先啦, 少女心事, 我都唔知送乜野好, 留返比佢自己簡!

講到尾, 我都係好唔想聽到佢句口頭禪:「No Way!」, 佢講呢個term既語氣係會令人好嫌悶....所以呢個夏天, 又有排受罪啦!

Terminal 2

機場terminal 2已經入伙好耐, 由於每次都係好趕去搭車, 就算知道有好多野睇, 都唔會特登去逛。

今日放工, 因緣製會, 終於去左呢個無乜人, 幾好行, 但有估你唔到既舖頭。 e.g. Mango, Adidas, Channel, DHC, 其他有 Giodano Concept, Baleno Outlet, 擰蛋天地......etc。 三樓個food court, 真係oh my god! 多野簡到......有阪前壽司, 潮樓.....

最抵都仲係我地買野係有折......所以今日連全店75折既萬寧我都唔放過(萬寧正常係無折既); 仲係Baleno Outlet搜刮到兩條belt, 算有交代啦!

短頭髮與白色衫!

夏天來了! 今年流行短髮!

今晚成功黐餐, 同各蝗蟲食飯。不約而同, 五人中, 四人著左白色衫! 先睇下各人既新形像!

PSM: 清湯掛面, 清爽怡人!


老昆: 頭側側, 精萃盡在果一縶!

wongoy: 笑哈哈, 美麗young媽媽!

再係方米粉度偷埋呢張全家福, 人齊!

仲要多謝方米粉送比我地既愛心曲奇, 同老昆請食飯!

甩皮!

今次曬得噥得滯, 過左三日已開始甩皮! 膊頭係重災區, 而家好此燒腸仔咁爆皮, 好痕喎!