收禮物之二

來自PSM既手信有"為何她會離開你"T-Shirt同頸巾一條!

大家睇下件tee既二十個原因, 好笑呢! 最精警果句係最後.......因為你肥!

收禮物!

熙熙同熙嫂去完honeymoon返來了! PSM同小春都去完旅行回來了! 那麼, 我發達了!

詩, 唸完啦, 望下下面, 熙熙伉儷既手信:


再次多謝Mr/Mrs Hei, 由於今年我係絕少日本機, 所以要拜托你地係緊密行程中幫我搜購我既心頭好! 最新一期"金田一之獄門塾殺人事件", 我真係餓左金田一新故事好耐啦; Chemistry精選初回版, 隨碟附送今年巡迴演唱會DVD, 正呀! 唔係遲d隻DVD獨立出個陣, 又要另外比幾千yen買; 迪士尼海洋既5週年紀念襟章, 好少有架!

PSM亦予告左佢地係美國買比我既手信, 真係多謝晒呀!

Mr and Ms Cheunnel

天氣轉涼先會有呢個情況出現!

搭車除左會遇到Mr or Ms Wuli之外, 每年秋冬仲會有Mr or Ms Cheunnel既出現! 各位試下想像, 一個型男或者美女步入車廂之際, 坐係你隔離; 但係隨之而里係一陣"除"跟住里, 死味! 簡直大煞風景, 佢地浸樟腦 / 臭丸味, 真係可以媲美Wuli既攻鼻級數! 我自問非常敏感, 擒日搭地鐵就係咁攪到我係咁打乞嗤!

所以各位, 奉勸大家每晚係屋企左襯右襯, 為第二日既靚樣做好準備之餘, 記得將你地要著既衫係衣櫃羅定出里, 等佢透透氣, 以免變成Cheunnel一族。

話時話, 點解今日又大地回春? 又濕又熱, 幣! Wuli大戰Cheunnel咪又爆發! 如果一個Wuli著住件Cheunnel.........會係乜野味?

反斗車王vs陳奕迅

終於等到反斗車王出VCD!

我一向都係Pixar既fans, 今次仲有軟硬既配音, 唔洗講都知勁! 但係最正係隨碟附送既雪櫃貼, かわいいですね!

至於醫神, 我好耐無捧佢場, 雖然d歌我未係好聽過, 但都買左先!

韓式豆腐湯

特別post比老波睇既, 包包都係湯底。得閒試下啦!

拾下拾下

天氣少涼, 真橋, 約左靚女珍, 三少, 三少奶到大少屋企打邊爐!

去大少屋企之前, 去行左一陣街。 準備開始出動之際, 大少打里:「依家開餐啦!」, 我望下隻表, 六點半注喎, 係咪早左d呢?..........但我完全imagine到發生乜野事 (事後, 我亦知道我所想既係exactly right)。於是我叫大少唔洗等我, 我仲未"發市"!

錢生之前講既真係無錯, 今年興"衫仔", 所以有好多大碼衫係細件到我都著唔到! 身痕, 點都要買少少野.........係"扑死你"買左兩見好抵既basic Tee!

昆哥打里同我爹左二十分鐘, 估唔到我同昆哥竟然可以閒話家常咁耐! 至於PSM個更表, 我已經全力以付, 希望幸運之神眷顧你!

買完野, 立即飛奔到大少家。今晚d料好好食, 有我喜愛既牛帕葉, 豬皮, 貢丸..etc。一路食, 一路睇台慶, 仲加埋少女婷既non stop天真"叫囂"表演, 好......唔知點形容! 又一証明我真係無乜愛心, 對注細路無耐性!

呢幾日......

今個星期過得好快......

我近排成日都做"撈人"機, 即係程程機都撈d人里, 又撈d人走, 總之同事都唔一樣, 其實都幾煩, 要不停咁轉位, 但係好似已經慣左咁, 尤其係同英倫同事飛, 佢地既style我都已經習慣!

去到倫敦, 第一件事係去寄parcel比我外甥, 無意中比我發現左一間新開既24小時超市"Asda"。位置係Hounslow Burger King街口轉左行到尾, 禮拜一arm arm開! 有d似M&S, 好多野食賣, 我買左兩個叮叮餐, 阿差咖哩唔錯, 但係另一個叫"light"系列既意粉就麻麻, 我get到既, 係無調味咁解!

無減價, 又剛轉冬天衫, 無野買。繼上次未曾試過剩咁多錢返里之後, 今次又破紀錄, 因為連野食都無乜點買!

今朝返到香港, 等08:20村車返屋企, 由於出閘後已經夠鐘, 所以放棄追車。咁....返公司hea下等09:20個班啦。 等到09:40, 架車都仲未到, 有等同一架車既同事問我搭唔搭的士, 我本來都想, 但係個肚又突然giligolo, 都係返入公司去toilet先, 再做下swap, 等11:00個班啦!

到左11:00, 真係好frustrated, 唔可以再miss車啦! 呢個時候, 見到車里啦, 咦? 點解依家先入機場既????????

司機遞左張紙比我, 我唔想發生既事, 終於發生啦! 原來村巴公司已經係星期三改晒schedule, 縮減左好多車, 最大鑊既係以後無夜晚車, 最後返機場個班係18:00。死味! 以後飛夜晚長途機就大家樂!

於是, 我到最後都係搭的士返屋企囉!

超忙的幾天!

由曼谷經星架坡返港, 返到屋企已經半夜12點! 熙熙call里提我佢聽日大日子, 放心, 我唔會放你飛機既。 由於慣性時差, 我夜晚又唔係好訓到, 唯有繼續頂住上!

成個結婚儀式, 都係傳統一日制。我識Hazel咁耐, 佢絕對係最靚既一日!

空檔中一攝

調皮的偷拍!

忙完一日, 總算事事順利, 我既兄弟加司儀工作亦大步攬過! 再祝熙熙同熙嫂以後每一日都開開心心!

蘇瓦那布呼米機場

前幾日終於去左曼谷新機場, 好大! 但係arrival閘到arrival hall一段竟然連油都未油好! 冇無人駕駛列車, 空調弱雞, 行餐死!

我地都係住返係以前近舊機場既"奶媽嘉頓"酒店, 車程40分鐘仲可以接受, 但係酒店竟然send左一架中van里接我地。其實都無所謂, 但係呢架車, 無乜空調之餘, 仲噸都阿媽都唔認得, 我開頭仲以為D路未整好, 凹凸不平, 行左二十分鐘囉喎, 有無搞錯! 頭暈!

純粹update!

上星期日考完初級一人參話, 今日有result啦, 不可思議, "A"喎!

下個course會係月尾先開課, 所以我會有兩個星期六係free既, 恨左幾耐星期六可以柔柔閒閒。之不過, 里緊個星期六, 已經奉獻左比熙熙與Hazel既結婚大典。

月頭很忙, 好多野堆晒係度, 推唔甩! 希望月中後可以hea返!

大日子迫近!

11月11日, 係熙熙同Hazel既結婚大日子, 今晚我地出里食飯。預祝當日事事順利, 我會盡力做好我既兄弟及司儀!

11月4日, 人參話最後一堂, 但係我發覺有好多野原來我係識講, 但唔識寫, 仲有一日.......

11月5日, 考試, 又要晨早起身去香港......

有無時間訓呢? 我依家仲心野, 係度打blog......

繼續放假睇醫生!

繼續放假睇醫生! 今日係指甲化驗結果, 乜事都無! 無菌, 無病!

我真係拗頭, 醫生話即係家族性遺傳, 可以係由其他病變變種; 一輪說明之後, 我get到佢講乜。我亦confirm左我屋企人的確係有佢講既病例。由於我無病, 唔可以比我食藥, 因為呢D藥雖然可以醫治, 但會有side effect, 傷肝。

正當我腦裏一片空白, 醫生講左一句令我開竅既說話:「雖然唔會完全好返, 一時好D, 一時又返里, 咪由佢里囉, 開心D!」比著我平時已經一直追問落去, 但今日, 我好似好明白, 呢個係事實, arm既, 開心D比較好!

亦都係因為我本來就準備左去行街買野, 哈哈, 又綜左去英文子時裝舖, 正呀, 今日換左新野, 更係唔可以唔慢慢玩番夠本, 但係, 點解今個秋冬d衫細件左咁多既?

PSM今日講左句好精警既肺腑之言, 但係我就忍唔注笑左出里, 我都話我返到呢打個陣實唔記得, 真係! 無得同大家分享, 我下次問到再話比大家知!