驅邪治鬼新方法

我無試過, 但係我相信佢既威力。佢已經取代左神符.......就係各位"如廁"盟友既更表!

如果大家想試下佢既威力, 可以係一D傳言好勁既outport 酒店房, 擰出里黐係度門, 睇下有無鬼怪敢接近。淨係睇到更表上既"梵文", D污糟野都魂飛魄散, 永不超生!

For example, 可以參巧我今個月既"神符", 幾頂得架!

大城小事 - littlesunn Version

"只因當失憶症發作加深, 沒記住我大慨另有更新「勿混」.........."

Ms Ball, 我相信你未睇落去, 都估到我想講乜!

琴日, 返工(402/403), 台北o/n。Sign in 果陣, C官已經等緊我, 諗住比封compliment letter我。由於同C官已經飛過, 所以佢對我有印象! 佢企係BO 402塊GD board度等我, 仲同我打招呼.....

C官: 「Littlesunn, 去邊呀?」
我:「唉....唉...470囉!」(跟住係BO兩頭"騰", 都搵唔到塊board!)
C官: 「你去邊呀?唔係402咩? 我check左你個名先係道等你喎! 你唔係Littlesunn咩?」
我: (開始有D猶疑....)「唉...470....」
C官:「唔係喎, 你個名係402道喎!」(BO開始發覺有個異形企係佢地前面, 因為470已經走左好耐, 但係仲有個傻佬係道haai。)

到左里道, 我其實仲唔係好知發生乜野事! 既然有人幫我搵到, 又有compliment, 又趕時間briefing.....所以我唔理咁多, 諗住櫪左封信就算。

但係, 瘀皮既事點會咁易放過我呀......

C官: 「Well done, 你老總寫左封compliment比你, 係關於去巴黎一單first aid既。做得好, 我會keep一份係你個record度。」
我 (有D猶疑, 但係衝口而出):「巴黎, 我幾時去過呀?」
C官:「你.....係唔係Littlesunn呀.....唉...唉...」(佢開始知道我有"病", 亦再無糾纏落去。)
我: 「Thank you, 唔該晒!」
臨走前, 佢仲好好心提左我一樣野: 「5號房喎!」

激死! 呢樣我仲記得架!

終於LINK到啦!

想link左好耐!

連Ms Ball都link到我.....唔得, 我又要link返, 但係呢個blogD野, 實在太難明。

我睇左好耐, 試左好多次, 終於比我攪掂左!

各位, 得閒去探下Ms Ball同錢生個blog呀!........(往右看, please!)

八月十三的月光

今年, 我唔會有機會係中秋正日同大家一齊賞月。另外, 亦嚮應政府既呼籲, 提早同大家欣賞"月下的三橋"。Enjoy!

梁漢文係我既!

我相信大家聽開歌既朋友都有一D long play disc, 即係唔洗成日揀歌, 一路播, 特別係夜晚訓覺個陣聽個D。呢隻係我D LP既其中之一！

靚女芬係一年前既一日, 係我屋企借走左呢隻碟......直到前幾日, 佢CALL我話比我知佢終於囉左出呢聽, 但係, 個盒入面係無碟既！

That's incredible! 我唔係唔信佢, 但係, 呢隻碟係一隻正常碟, 我意思係冇多餘而唔實用, 令人討厭既"呀咋"packing, 所以我係唔會將盒同碟分開擺！

算啦, "要走的始終要走", 留都留唔到。

今日, 終於有機會行好耐冇行過既信和, 亦比我有幸見到呢隻碟。由於呢隻碟已經係華星時代既出品, 亦即係唔會再有機會出版, 所以買番, 我又再擁有佢啦!

黃色美人蕉

無聊的topic!

三月係Anchorage買既花頭, 見個packing上面張相幾靚, 又平。當時都唔知佢就係香港既公園"常花", 仲以為買到d特別野添。分左d比靚女芬, 佢果棵一早就開左, 之後, 佢話左比我聽呢個"常花"既事實。

今日, 我果棵都開左啦, 有少少意外, 因為係黃色既！公園入面, 紅色, 橙色多的是。但係, 黃色既, 我都係第一次見。不枉我種左佢咁耐！(其實, 天生天養既POSSIBILITY高D！)

終於洗乾淨左個露台同隻窗！(成幾個月冇掂過啦) 熙熙, 多謝你教我既方法! 依家, 隻窗真係乾淨好多！

酒店瘋暈

大家有冇睇三色台呢套劇, 我覺得電視台又再挑戰各位酒店界friends既忍耐力及容忍度! 繼之前既"衝上魂, 超!", 講到飛行界亂七八糟之後, 呢套又係一絕!

講劇情, 絕對緊湊, 各懷鬼胎, 應該一讚. 亦睇得出做過research, 但係d position同duty就亂晒大龍!

CEO 似 GM - CEO根本就唔會理property既芝痳綠豆小事.

Director of Communications (PRM) 似 AM - 乜x野都call佢(連Hazel都係咁講!)
例如, minibar走數, 唔見左個煙灰缸, 呢個PRM竟然叫個客開gip, 唔係亞化！跟住衰左, 連sorry都唔講, 亦無解釋就比discount草草了事.

AGM - 有個咁既position既咩? 有都唔緊要, 但係又整左兩個AGM assistant出喱.

Security - 乜要幫人拎行李既咩? 仲離譜到逐間房拍門問有冇人tat左行李, 咁arm個PRM巡房(好嚇人!)見到先制止佢. 之後, 竟然係無條件之下, 一個連簡易英文都唔識既"食蕉"transfer左去sales.

AGM - 日日發癲, 撩交打, 問人點鍊盤?

D 酒店術語尚可, 例如: "鍊盤", "鐘仔房", "allotment".....

最失敗係, 除左CEO之外, 所有executive grade 同 department head, 都著得太causal啦!

繼續迪士尼.....熱!

之前post過LA迪士尼d相, 今次繼續....有local既.....紀念品. 多謝熙熙伉儷既sponsor.