無奈.....時間唔由我操縱

辛勞左六日, 終於挨到兩日假期。第一日, 即係今日, 用左大半日訓覺, 好正!

忙既時候, 總係特別多人搵。平時得閒就四圍where人都where唔到! 聽日, 我打算訓到自然醒.....應該都差唔多天黑....

Hazel, 我會得閒搵你食飯啦, 再摘日入樂園玩呀! 黃生餐生日飯, 都仲未得閒食, 不過唔關我事, 係黃生唔得閒, 又或者黃生想等埋黃師奶生日一次過都唔定。熙熙, 唔好意思, 完全唔記得你同台慶一齊慶祝生日既添! 遲d食飯補返數!

恭祝黃生伉儷四周年結婚紀念快樂!

當四條仔遇上禽流賓時.........

一班"short" flight, 實際上無乜關係, 但係我又想"歌頌"下呢件禽流賓。

陣容如下:
老總: 人參(走果陣, 先知佢原來可以好變態, 一陣再講)
菠籮: 孖四禽流賓矮瓜(年齡與性格都係孖四), 架姐, 2件新女
前EY:賓姐 + 架仔 + 港男A
後EY: 賓姐 + 我 + 港男K + 賣Bar港女

********************************************************
Briefing個陣, 見到件孖四禽流賓入里, 都知大穫, 因為同佢交個手。好彩, 唔係同一廚房! 點解我咁大反應, 因為真係好惡頂.......好鍾意嗌.....不停嗌.....用英文大戲腔嗌....., 例如: 有無攪錯(廣東話), nandayoo(日文)...但係唔知佢嗌乜, 佢嗌完之後又唔知自己嗌乜。中氣足, 幾遠都聽到佢把聲。最厲害係, 我懷疑佢曾經學過變面, section leader briefing個陣, 你簡直會感受到16:9, dts環徊立體聲數碼影院feel。

由於機程好短, 又好游。我地四條仔一得閒就圍埋吹水。於是我就將上次紅姐比孖四禽流賓b既過程講比佢地聽。「First of all, you must be very clean. Secondly, you must be very very clean. Last but not least, you must be very very very very clean...... 」佢b既時候, 佢面部表情不停快速轉換, 實在將我國精萃發揮得淋漓盡致!

當我地行緊出機場個陣, 其中一J女已經話中左佢既"乾淨降", exactly係我講既一樣! 同埋對耳仔有d聾, 因為佢不停咁嗌同叮佢! 我地一路行, 一路聽到有個傻婆係後面繼續係道嗌...同埋好誇張不停咁打橫fing佢對手, 好似一隻蟹.....我地咪繼續笑囉!

上到crewbus, 佢又嗌:「ngau, ngau....好臭!」跟住, 好似一隻狗咁, 係咁翁下翁下個鼻, 周圍聞........真係失禮! 我心諗, 你個孖四唔好坐落里。

係車上, 我地四仔+其他三女笑個不亦樂乎。老總好想知道我地笑緊乜.....無既, 其實係架仔講緊以前D架crew既低能野。另一邊廂, 孖四好似靜晒, 好簡單, 團結就是力量, 孖四點都唔夠我地七個人大聲!

去到酒店, 孖四行行下又突然係lobby嗌:「點解我個gip黐住塊地唔郁得既, ngauu...ngauu..!」大家幾一致呀......無人睇到喎! 我真係頂唔順佢d白癡野, 同bar女講:「孖四話佢個西唔知點解黐住係地下喎!」 笑到bar女失控, 跟住話埋比另外三男同二女聽, 失控程度急升5倍!

****************************************************

第二日, 返番飛機, 我地四仔+bar女又圍吹。突然間, 架仔用廣東話講:「唔好用菠蘿個廁所, 好x臭, 個臭x喱係入面痾爛屎!」估唔到架仔d廣冬話咁厲害, 笑死人。架仔話個孖四一上機就bilibala不停咁嗌, 跟住就飲double cappuccino, 然後入廁所爆石, D客上埋機都未出喱, 攪到鬼咁臭。
*****************************************************
臨散band前，架仔話比我知, 原來老總都係巔既, 不過今程機無發作。佢鍾意係briefing個陣比條題目大家, 叫大家準備, de-b個陣做presentation! 唔係亞化!

Ladies & Gentlemen, 有貴賓蒞臨

一直以來, 我呢個發霉blog都唔係咁多人答爹, 喱喱去去都係得Ms Ball同錢生, 加d電腦病毒廣告。

今日, 我終於有貴賓隆重登場........PSM! 多謝你既支持!

Ms Ball, 其實PSM都係你既fans喱架!

希望有更多既隱形人, 可以陸續出現啦!

..........大鑊! 返左里咁多日重jetlag緊, 死未!

黑野貓霸海揚威

情意結 - 一套幾十年以來, 我從未睇過但係都想睇下既粵語殘片。

我今晚本來唔想睇電視睇到咁夜。但係, 一聽到呢套戲名, 不又得我不顧後果去睇呢套戲, 以解我多年既心結。

係呢套戲入面, 有幾首插曲, 其中一首, 我更係耳熟能詳。點解? 多得二少係我童年
時代日播夜播。黑野貓係女俠, 要踢爆石堅既黑幫。胡楓同李紅係情侶。

一開始, 我已經忍唔住笑, 除左演員演技生 硬樣板, d對白, 道具實在令我失控。好似陳寶珠諗緊野既時候, 觀眾都知佢諗緊野, 但係竟然安排佢講句:「好, 等我諗個辦法先。」而胡楓發現黑幫秘密之後:「ei, 我發現左個秘密, 原來係咁.....。」洗唔洗咁 畫出腸呀!

一幕講陳寶珠為左身份唔被識破, 局住要
自己硬食一隻西班牙舞。佢跳咁耐, 我笑
咁耐。因為佢只係遞高雙手, 單起一隻腳不停打轉, 實在似打太極加詠春多d。

終於等到cap左相既呢一幕, 亦都係二少成日播佢錄低係錄音帶既一段, 原來係真係好好笑架。我無辦法可以唱比大家聽, 睇下d歌詞笑下都好架!

「方心感激濃情獻生果,
果汁好比情甜有滋養,
唯恐吃得太滯腸胃病,

小姐細心, 那敢多違抗.....

茶也未算香, 唔算係靚餅......

赤柱放監一模樣, 寒酸漢。」