竹蔗茅根.....我終於等到啦!

好奇怪既Title!

大概上個月, 一日行過青衣城seven, 偶然發現左呢樣野, xx堂既最新產品 - 竹蔗茅根. 而我不嬲都係xx堂既擁燉, 所以買左一枝返屋企嘆, 唔係好甜, 好好味!

之後, 先發覺好多地方都未有得賣, 真係好失落! 於是.....算數囉!

今日, 係x康買"食送", 咁比我再見到, 實在太好啦! 等左你好耐啦!

誠意推介比我既一位classmate, 朱夢琴. 你要試試啦! 你平時都咁喜愛"malcolm drink", 呢個係一個唔錯既選擇!

無里頭既語言要求 - "如廁"同事必睇, 燥熱!

各位"如廁"既同事, 請問大家知唔知由七月開始左, 所有機既language requirement已經變成2cantonese+1mandarin.

事緣我有一班"坡坡機", 即係3日3國精華遊, 無乜人願意做果班. 我等左成個月, 終於有善心人肯幫我哽, 對方係台北overnight+名古屋turn(Direct, 唔經台北,一程DT). 梗係luei飯應都應唔切submit啦!

點知disapproved.原因: language requirement.

我個心已經講晒粗口, "乜x野呀!", 明明check好晒D野, 無可能既. 於是我再睇一次....對方班台北機有成村MD....名古屋又唔經台北...乜春呀? 唔好x玩野喎!

於是打電話返公司問, 知道後......乜火屎都黎晒.....燥熱!

我:請問邊班機既language requirement出事呀?
女同事:名古屋,無mandarin speaker, 所以disapproved.
我:(火屎即黎!) 乜野喱架?
女同事:轉左好耐喎, 七月開始, 我地都update左對調手則, 你唔知咩?
我:唔知喎, 我地電腦頭條同每週通訊都無見過喎!
女同事:應該出過架......

真係無佢咁好氣, 828果個我就見過, 於是返查所有電腦頭條到三月, 都唔見, 頂!

********************************************

過左兩日, 返開公司, 無無聊聊d過場時間, 突然靈光一閃, 去team office投訴, 實在欺人太甚......

見到安格司, 佢話佢都知, 但係唔覺出過野喎, 佢就打去問有關部門, 而呢個時候, 又有另一位"女官"聽到我地既對話, 又答爹, 佢比我更激動:呢d野對crew好緊要個喎, 好影響我地既生活, 我都未聽個喎!" 跟住, 連安全示範既Mr G都走埋黎問乜事, Mr G:我都唔知喎!一時間, 我地就好似個墟咁!

攪左一輪, 終於知道有關部門話"出左"係邊.....根據安格司所講, 係三月既每週通訊道有mention過"some update in language requirement", 但係好細忽無寫詳細內容, 跟本唔會留意到! 而有關部門就表示:咁多野寫, 點寫得咁多!

******************************************

呢幾日返工, 我都有問d同事有無人知呢件事. 大家既返應都係好震驚. 所以, 同事們, 請傳開去吧! 以免有更多無辜受害者.

加洲迪士尼 - Adventure Park

Hazel比左入場券我, detail既野, 大家都知, 不如睇下相呢.

今晚, 又攪到咁夜, 聽日有排唔想起身.....jetlag真係害人不淺.

少女希的電郵

美女蟹貞終於為佢既愛女少女希買左電腦.

今日收到少女希既電郵, 佢叫我買麥兜公仔同hello kitty精品, 仲有幾時結婚.....一個10歲既少女....竟然....有無限既有趣問題, 好直接, 冇彎轉, 不留餘地! 佢大個左之後, 會唔會變成do do姐二世呢!

少女希, 如果你有睇我呢個blog, 留句言呢!

霸道751

不樓都覺得任何民俗都有好人同衰人, 我公司的, 當然亦唔例外.

已經飛去一笪我唔係好願去的地方......."地獄A", 仲要有一個新升751阿姐, 雖然只係第二水機, 但係佢既氣焰.....仲要犀利過"矮瓜".

Boarding個陣, 從來冇見佢浦過頭...after take off, 立即debriefing...."我好不滿你地既表現, 你地無一個人做過野, 我仲要出來幫d客搬gip, 仲有, 邊個係道派landing form, 你地知唔知pre take off check個陣係唔可以派landing form, D客會即刻打開張檯填.....XYZ@@###.........." (我好想話比佢聽, 老總係briefing已經講左, 只係佢無聽到!)

到特別餐.....68個! 我地5個BC既動作, 可以話係從來未試過咁一致.......企係廚房外圍望!.....因為, 好簡單, 有隻顛狗係道亂吠.
751: D 特別餐, 淨係比水或者汁得啦!
我地於是咪跟住做囉, 點知, 751又吠:呢個有其他野飲架!
我地5個互望, 751先細細聲講:我有D take 左order! 於是, 大家當無事發生過.

744J 既經濟倉, 佢竟然話出"二人車", 我地又立即發呆, 頭頂出晒???? 佢見到我地既反應, 立即扮民主:你地話呢? 最後我地梗係唔聽佢up啦!

一路佢都黑晒塊面, 兼冇笑過...當然中間d野都費事講.

我地終於忍唔住, 話左比老總聽, 好彩, 有人橕!

最無辜既係一個新同事, 751卒左兩舊零件比佢, 叫佢ling比老總. 同事以為751要佢將呢兩件野擺返原來地方, 於是問我, 比751聽到. 751即刻發晒巔, 當住我地所有人面前破口大罵新同事: 我叫你做野, 你唔明就問我, 做乜要係我背後用廣東話問其他人? 你知唔知你呢d表現, 我會返映係你既"司飄飄"道!

我地5個都覺得佢好侮辱, 老總知道後, 立即幫拖, 落呢踩場"及"住佢. 老總表示:"司飄飄"佢都控制唔到, 但係如果751比得我地衰, 佢都會用同樣方法對付佢.

布拉格與奧斯托娃 (Prague & Ostrava)

布拉格靚, 好多人知, 所以唔洗多講....只不過, d野好貴!

呢個topic, 最主要係highlight一個捷克東面邊境小鎮......奧斯托娃, 齋睇個名, 又"斯"又"娃", 心諗, 一定好正! 個guide都比左心理準備我地, 留呢笪地方, 係純粹為左就第二日過境......我住個間酒店已經係全鎮最好架啦, 叫Imperial Hotel, 有一百年曆史....入到間房, waoooh.....

兩張床東西各一, 好似"碌lane", 大分瓶. 冇冷氣, 開窗又冇"壁溺", 攪到成日隻窗自動柵返......

最精彩莫過於toilet...冇浴簾, 心諗, 沖完涼仲要抹地....真節墮! 但係, 原來d水弱過, 沖左好耐涼都攪唔掂. 仲有, 點會係浴室天花按吊燈, 真係奇怪!

由於我地好早食完晚飯, 四周死寂......做乜好....乜都無, 真係"托"咩?

亦都係由呢一刻開始, 我覺得呢個鎮冇改錯名, 名副其實, "托"! 亦都係由呢一刻開始, 我地叫一d唔知點好, 或者唔知點形容野做"托娃".

係團入面, 認識左兩位"托娃miss", 唔知你地有冇黎睇我個blog呢?

柏林與德勒斯頓 (Berlin & Dresden)

我的東歐之旅, 從德國開始...第一站係柏林...

柏林圍牆原來係有一段幾sad歷史. 聽導遊講都覺得當年德國人幾摻. 依家, 碰牆就多左好多塗鴉同畫....幾靚幾得意.

我仲同靚女芬講, D souvenir 會唔會係d"擢爛牆的石頭", 是但一舊石頭都掠你一頸血, 果然不出我所料, 佢地有好多爛石頭賣. 我最後都買左一樽, 都叫做有d收穫.

離開柏林之後, 到達德勒斯頓.....係前東德一個名城....睇左d類似museum野, so sorry, 我實在唔記得係乜........亦買左一份手信比自己.

今晚飯局

今晚同熙熙nHazel食飯, 真係好耐冇見. 其實, 又唔係好耐, 算吧! 我都唔記得幾耐囉!

佢兩個都係"老鼠樂園"打工, 我當然有機會分到d好野...Hazel比左兩盒好靚糖, 而熙熙就送左一枝好cute筆.....many many thanks...非常感激....

我地去左食潮菜, 都幾好食.

東歐之旅

好快, 我的東歐旅行已經完畢....好唔好玩, 一DD啦!

本來, 係想去俄羅斯+東歐的, 但係, 個團開唔成, 所以齋去東歐. 個團有32人, 乜野combination 都有....開頭, 梗係冇乜野講.....過左幾日之後就好D, 之不過, 我都冇乜問人地叫乜名..........我都唔知d失憶症幾時發作.

去過5個國家: 德國, 捷克, 波蘭, 斯洛伐克, 匈牙利.

去過d乜野地方, 唔係好記得, 睇返d相....有d都唔係好知映左d乜.

得閒, 我會再講下d細節既.