Merry Christmas

各位, 祝大家聖誕快樂, 新年進步!

雖然未能夠同所有friends見面, 仍然希望大家有一個開開心心既假期!

新增一個相集:
http://hk.pg.photos.yahoo.com/ph/littlesunn2006/my_photos

第一跑係平安夜係三少屋企大戰......

Global Cannot Refund!

如上圖, 呢隻Global Refund cheque係香港係唔可以cash到既! 今日仲徙晒我d寶貴時間去中環間死人東x總行。我不嬲都好憎呢間銀行.....討厭既程度已經過左可容忍既地步! 原因......你諗到有乜衰格既佢都做得出!

講返正題, 各位去歐洲買左野要退稅, 退現金既話, 呢間野只係收藍色打橫個隻。如果係呢隻綠色, 好似credit card單既話, 就只可以係當地機場退, 或者寄返去!

至愛的九餅.....唔好消失呀!

我唔係講緊N年前, 散左band個隊。我不嬲都有食開呢個packing既藍罐, 因為佢有我鍾意食既favour, 而冇我唔食既....有糖係面個隻。仲有, 佢方便攜帶, 唔會食唔晒!

前幾日, 行個惠康, 我發現佢已經係貨架上被delete左啦! 由於百佳係冇賣既, 所以我都好擔心佢從此消失。各位, 如果有佢既下落, 請通知我! Thank you!

歡迎另一個貴賓

各位, 我個blog又多一個隱形人現身。 歡迎"允...允"!
唔知"昆哥"幾時會浦頭呢?

忙到幾時呀~!! 救命!

公務繁忙, 實在分身不下。

如果要搵我做冬, 唔該, 最快22號晚。越係唔得閒, 就越見鬼! 屋企廁所近排唔多老黎......牆身高溫磚爆裂, 要成幅磚換。廁所水勁爆, 已經抹左我兩次。激死我, 已經冇乜時間訓....仲要做埋d咁既野....。好彩已經搵到原兇......有人較大左個水壓, 攪到廁所水唔識停, 好彩無濕到地板, 算係不幸中既大幸!

最好彩既係, 我唔洗比錢, 發展商自己食返!

聖誕節之購物遍

已經係連續第三個月去第三次雪梨, 應該係無乜新奇事!

除左每日因為時差訓到四點先出動之外, 今次仲多左Myer既1 Day Sale, d野賣8折。有無諗過澳洲豬會咁勤力收十點呀? 既然咁arm, 哽係要行下啦! 我買左一份聖誕禮物.......準備送比一個"美少女"。唔好意思, 絕對唔係我屋企d"靚字派"。

我既friends, 如果你都對上面隻熊bearbear有興趣，而又咁arm可以係兩日內, 我去阿德萊德之前搵到我, 我都好樂意去睇下仲有無大減價既! Cheers!

錢生, 唔好意思!

錢生係一日之內, 算失慘重, 令我要寫下一d野呢balance返。

四日前去雪梨之前買左六合彩, 中左! 係雪梨做左少少私幫生意, 執左少少。走個日, 因為雷暴, 架飛機一早就divert左去墨爾本, 局住返酒店住多半日, 但係呢半日, 估唔到會為我帶呢多一百澳幣!

期待已久既唱片

側田, 由第一隻歌"好人"開始, 已經好鍾意。跟住既"Erica"...一般啦。到近排plug既"命硬", 真係超正! 絕對係一張"must buy"! 好可惜既係, 呢張CD為左唔比人轉歌做mp3, 用左新programme喱protect。網友係chatroom道不停嘈緊, 就算買左正版, 都無辦法放落部mp3機或者ipod道! 咁又有乜用呀, 呢頭已經有人攪惦左仲放賣種子係BT度! 原來買正版, 唔download都可以好無奈!

平井堅 - 呢隻碟既歌我已經有晒。買既原因絕對係collection同係屋企聽個陣唔洗成日轉碟。

Chemistry - 成年幾冇出碟, 當然要捧下場。雖然唔及當年d歌咁精彩, 但有d都唔錯!

任性......找到出路

舊文章一遍, 有興趣知道詳情既, 請聯絡!

成年冇去過福岡, 上月尾去到, 一時興起, 決定要去搵Daiei24小時supermarket。點解咁熱心....因為名古屋個間已經係10月31號, Daiei全國性倒閉之中byebye左啦!
福岡呢間係剩返既80間既其中之一。 由於每次都係夜媽媽先到, 實在冇精神去搵, 今次就有少少任性......

行路去大慨要十分鐘, 都唔算好過份。去到先發覺幾大, 好多野買, 我係度玩左個零鐘頭........

介紹一樣九州特產比大家。高菜(Takana), 好醒胃既芝麻雪菜, 有辣有唔辣! 食麵有呢樣小菜都開胃d。除左係超市之外, 都可以係食麵既舖頭買到。