病

小病是福?

我既老毛病 - 腸胃病, 每隔一排就返里探下我! (當然唔係姨媽啦), 有時好快好返, 有時又好長根, 好似今次, 都兩個幾禮拜, touch wood, 終於發現原來係D藥唔係好arm我, 今日感覺好好多!

講返正題, 我好少唔返工, 雖然每日我都唔想返工, 但係唔會實行。(冇意思影射任何同業, 大家唔好對號入座!)

擒日, 覺得好唔掂, 從來未試過咁down, 係差到我唔覺得可以死頂十五個鐘, 再諗起full load, 成機my dear, my darling, (唔係Janice既My Love, My Fate, but for sure, I will fate away!) 做完上面, 仲要落下面搣杯麵, 比人輪個樣。我終於提起勇氣打電話返公司告假一天。其實唔係乜野咁大件事, 但係我要放棄飛一班長途機既搵錢機會, 之後仲要stand by。

去睇醫生, 囉"行街紙" (好鍾意阿Ball呢個term)。原本只係諗住luei返兩日都算啦, 點知個醫生好細心, 發現原來呢兩個禮拜既藥唔係好arm我, 所以越食越差。最後醫生比左三日假我, 開心到乜都唔識講, 仲問我係乜野pattern, 醫生同我講如果唔好, 佢會繼續安排病假比我, 等我可以休息多D。

係屋企hea好舒服呀! 仲有兩日啊!

話之佢之後call我乜呀!

變身!

錢生變左版面, 我當然貪新鮮唔執輸, 我又變!

花

前幾年每次到荷蘭, 我都會買定d靚女芬好鍾意既唔同種朱頂蘭頭比佢。事隔幾年, 呢D花頭已經變晒阿媽, 生左好多個BB出黎!

三月中, 我屋企果棵青青地色既, 都開左花。個時, 我都唔記得問下芬芬佢屋企個D點添! 芬芬話:「屋企個天台已經裝修好, 所以將D花花全部由舊屋搬返晒返呢, 點知, 幾個禮拜冇入舊屋, 原來D花已經開到周圍都係, 係時候分返D比你種啦。」

最好笑既係芬芬知道PSM會去荷蘭, 佢竟然話:「不如叫PSM再買D唔同色囉!」

失禮的港扒! 抵打!

發生件咁既事, 我覺得我真係Batman, 專打綠魔! (今次唔關朱夢琴事。)

好耐未試過連續返五日工, 加上我d失控症 ----- 連還jetlag訓錯時間症又發作, 只可以講我呢兩個禮拜既感覺係魂不附體。

前日, "奸西"返港, 一個著住件短身棒球小子綠色zip up外套既五呎女士, 無錯, 係綠色, 懶係Fashion Icon (PSM, 借你個term里用下先!)咁拖住幾件行李, 手持一個類似彷"姑池crossover青牢"袋, 懶catwalk死入里, 差唔多係最後幾個客咁滯! 佢坐bulkhead D, 我都無理佢咁多, 因為差唔多起飛, N咁多野要做, 只係見到佢命令佢條仔坐低係E位, 唔係, 我應該稱乎"uncle"比較恰當。佢自己就霸左成個compartment擺野。唔知點解, 我硬係好唔妥佢, 我好相信同格衰有關!

起飛之後, 做drink service。當我做緊AC位個陣, 呢件綠魔已經嘈生晒:「喂!同我禁下個電視佢!」我同佢講:「請等一陣, 我做緊呢邊個客!」說時遲, 我正開緊權Perrier比C位個客, d氣但到佢, 而係我想擺抵權野比C位個客之後同佢say sorry之際, 已經聽到佢同uncle講d咁既野。

綠魔:「哎呀! 呢d乜野衰位呢架, 做乜有水但落我塊面度! 我坐過咁多飛機, 都未試過坐埋呢d衰位, 下, d乜野航空公司。」
我:「唔好意思, 我比條毛巾你抹返!」
綠魔接左條巾後一路都冇望過我, 懶嬌嗔繼續同uncle講:「哎呀! 都唔知係乜野水呢架, 但晒落我塊面度。」
我真係想x佢:「唔好意思!」
綠魔繼續當我透明, 我:「對唔住, 係Perrier。」
跟住問佢飲乜, 件綠魔只係"jip", 擺出一副扮出塵上菜既樣, 係度beer住我架餐車........

咁arm, 老總係呢個時候里到同我傾計。於是我好快比完野飲就走!

之後我多謝老總里得arm時候。老總知道乜野事之後, 仲好笑, 特登執左一盆野, 然後走去佢前面執佢亂掉係地下d垃圾, 我見到都想笑, 因為老總慢慢執, 返里同我講: 「佢真係好樣衰喎!」

到食餐, 問呢件極品食魚定豬肉, 預左啦, 佢又"jip"我。老總今次睇到晒, 都係度擰頭。諗完一輪, 先講單字一個:「肉!」

綜合成件事, 請恕我刻薄講一句:「顏射益你啦, 八婆!」

都係果句, 我希望我識既人都唔好係咁, 唔好做d咁失禮既野!

九餅再現

擒晚, 無意中係電視廣告再見到佢既影蹤。今日立即到萬寧入貨! 實在好掛住你!

最愛你的.......

口頭禪!

Ball:「果件奀星!」
PSM: 「D乜野魚蝦蟹!」
朱夢琴: 「x你呀!」

以上只係一d例子, 好可能係一d好簡單既說話, 但係配合唔同既人講出里, 係有好凸別既效果。仲有冇d好笑既, 請post出里啦!

最新加盟!

我既珍藏! 仲有.....



黃生去完旅行送比我既禮物, 新加入我既飛機部隊!

午間小聚之未完紐約行 - 朱夢琴蒲頭篇

一個三人會議電話......帶里一次下午茶。朱夢琴"歸來ed"! 我, PSM同朱夢琴係一個半鐘頭既電話戰之後, 決定出里飲茶再講!

我同PSM好似大鄉里咁去到新城市廣場, 眼前一亮, 因為多左好多舖頭。雖然我只係搬左一年, 但係d舖實在"乾坤大鑼移", 兼多左好多正舖, 出發啦, 開行turbo啦......(行下嗟........冇事冇事......)。

當朱夢琴蒲頭之後, 我地梗係坐低審佢啦! 咁難得夾到佢出厘! 朱夢琴原來徐左豬之外, 仲有d凸異工能, 就係腦筋急轉彎! 由於我地係講緊一d平時返公司"打官司"既technique, 估唔到朱小姐有咁多咁勁既"驚驗", 可以比喻為"馬仔撩華陰"之後既另一巨獻 - "朱扒會救人"! 佢係呢方面既修圍及轉數快, 實在同佢平時既所作所為完全背道而馳, 可以話係一個雙面依人既最新版本 --- 集正義女神加綠魔既化身----- 雙面超人! 而PSM就話朱小姐似展隨風, 我係宋世傑, 佢自己係陸小雞!

聽左朱小姐既事例之後, 我提議佢應該出書。除左佢既個人200集長劇"衝上雲精"之外, 仲可以寫獨立故事, 以佢自己為藍本 --- "雙面超人", 擁有雙重性格既女主角, "朱善兒"(善變的人兒)同"朱可人"(可很嚇人)點樣用佢既絕招拯救地球..........

吹水既topic簡直係源源不絕, 例如"發水麵包之前世今生", "牆頭草的密室殺人", "正義女神之最後審判", "絕色鄰人卡喇菲", "夢幻凶姐 - 私之真相簿"........

飲完茶後, 當然要再去行一行啦, 仲有, 要實行我同PSM既計劃, "queer eyes for the pork chop"......再造朱夢琴!