遊園記

呢張相名為"阿允的真身"!



星期一同PSM&朱夢琴去左迪士尼。詳情請click入my photo! 好彩唔係好大, 因為都幾熱, 比想像中好玩!

粉紅色

睇完阿ball個blog, 講情迷粉紅色, 我近來都係喎! 真係好, 咁arm唔知寫乜野topic, thank you, ball!

我近來買左兩件粉紅色T shirt, 對我呢講係大突破, 因為我一向都係黑白藍灰既擁躉, 鮮色既就一定係白。我d friend都對我著呢兩件衫有好好既comment。

靚女珍就以佢一貫fashion icon專業評述話:「年紀大就會開始鍾意著呢d色架啦!」

題外話, 如果有報紙搵人寫專欄, 好似一題兩寫咁, 我覺得我同阿ball一定天下無敵!

!

又係一個原因, 今晚終於行動。

衣櫃擠迫問題已經存在左一段日子, 由於天氣回暖, 好多野都要搵位擺返埋, 衣櫃實在係最好既地方。下晝唔覺意訓左好耐, 今晚電視又無乜野睇, 執野啦!

有D衫原來已經擺左起碼十年以上, 無錯, 係擺, 根本都無乜點著過。有D更過份既係完全未著過, 有D係貴野, 我已經無辦法想像我以前點解會咁捨得買D咁貴既名牌, 又唔捨得著, 換著係依家, 我一定唔會買。算啦, 就算對住里堆野再想, 都冇乜幫助............安慰自己, 過眼雲煙, keep住都著唔落, 我都大左幾個碼, 就算著到, 咪即係加入歐精強行列! 我重申, 我雖然唔係走在潮流尖端, 但係我絕對唔容許自己變成歐精強帝國既先頭部隊, 呢D位已經有朱小姐認左頭! (哈哈! 又唔覺意擺左佢出黎添。)

最想out左既都係公司D制服, 我都唔知幾時羅左八條褲..........

丟呀丟呀, 好正! 丟左差唔多一半, 瘦身成功, 如果物似主人型就好囉!

講到尾, 認識我既人都會知有樣野叫死性不改。舊既唔去, 新既點黎, 近日又周圍大減價, 你地出動左未?

神經病!

對於神經有問題既人, 基本上應予以同情, 但係佢地既所作所為, 我絕對有保留。

我今日比人call stand by飛賓賓機, 有個同年join既師弟A君, 我真係覺得佢傻到自己都唔知自己係乜野位置, 簡單D講, 佢唔知自己係老幾。

由於我班機有三個新同事, 其中一個第一次飛747, 唔可以坐門口位, 所以同呢條A君調位, 坐係機尾, 我對面。Briefing之後, 我已經發覺佢開始發功B呢三位新同事。事不關己, 我當睇戲笑下囉!

上機之後, 不停講埋好多理論, 都唔知佢係咪中公司降, "服務由心直出", 我已經好客氣咁應酬佢幾句, 其實我個心係講緊粗口!

我阿姐都走唔甩, 佢走黎教我阿姐做野:「你一陣好派晒d報紙佢呀, 唔係比公司知道用唔晒, 就會cut少D, 以後就冇咁多可以比客架啦!」當時仲有我同我partner台灣妹在場, 由於事出突然, 阿姐當場呆左。我於是打開衣櫃門, 阿姐即刻丟晒所有報紙入去.......時運高, 乜都睇唔到!

飛機未起飛前係唔會開冷氣既, 所以機尾成日都好熱。條低能走里問我:「咁熱, 有無人投訴?」我:「無!」A君:「無理由喎, 咁熱, 無可能架!」好煩, 答左仲要反覆問里問去。

臨到降落賓賓前, A問我:「你之後有幾日假呀?」
我:「繼續standby, 無假放!」
A:「唔係喎, 我係問飛完賓賓之後有幾日假呀, 一日定兩日........」
我想死, 但都比面答多次:「飛完賓賓唔係一定有假架!」
A:「唔係喎!......乜唔係xxxxxx........(我冇心機聽落去.......)。」

*********************************************************************

飛機係跑道行緊埋停機坪果陣, 佢又嗌過黎啦:「一陣間返香港果陣, 應該有好多同事上機坐crew seat, 你汁開你個位後面個cloakroomD耳筒同雜物, 等同事上黎有位擺野!」

我好婉轉拒絕佢:「依家架飛機仲行緊, 一陣先啦!」點知條粉腸唔明, 仲有所行動.....郁手......丟D耳筒袋落地。X那星呀! 唔發火都唔得, 片佢:「你知唔知架機仲行緊, 你做乜丟晒D野出里阻塞通道, 仲有, 你汁晒D野出黎, 仲可以擺去邊?」隔左一陣, 死心不息, 同我講:「我汁返我個gip去返我自己果邊。」

********************************************************************

臨到香港, 阿姐打電話比我, 問我收左廁所用品未。條白癡係對面嗌過里, 猛問邊個打比我, 問我乜野。我真係覺得:「關你x事!」跟住就好似隻烏蠅咁係我個頭上徘徊........但我唔知佢up乜春!

********************************************************************

飛機停定後, 佢又問我:「你之後有幾多日假呀?」
我想問佢真癡定假癡:「我咪求先答左你囉!」
佢:「唔係喎, 我係問你之後有幾多日假喎, 飛完賓賓機喎..........」
我:「我答過架啦!」

我唔理佢咁多, 開始汁野走, 條傻佬問我:「咦, 你做乜依家汁gip呀?」
呢位先生一定有病, 我:「依家唔汁, 等幾時!」
跟住佢睇住我汁gip, 猛"及"我個gip有乜, 比佢"及"到我包煙, 問:「咦, 點解有包煙既........」
我真係忍無可忍:「係喎, 點解我包煙會比你見到既?」

好X煩!