出街星期天

好想係屋企hea, 但係又覺得好屣, 恨左咁耐去街, 有假仲係空閒既, 真係難為我。矛盾係我其中一樣好利害既本領! 一時一樣係我既絕頂強項!

由於上星期撩過靚女珍飲茶, 所以今日就順水推舟約佢下午茶! 今日係屯門有奇景, 係d人山人海既場面有d收歛, 混亂既情況無咁嚴重, 實在係好開始。午飯過後, 開始發揮我既小宇宙, 今日既目標係有咁多舖頭, 就去咁多間!

當然, 好多野arm, 但係都係要忍下手既, 我最大既目的只係攔街嗟, 還左心願就算啦! 其他野, 留番減價先死過!

買拖鞋同杯面......好無聊可? 呢兩樣野就成為左我今日出街既藉口啦!

渴望已久的假期

終於等到放假啦! 好耐無見PSM, 當然要打電話同佢吹下水先啦! 跟住, 又要好快趕住返學, 不知不覺間, 我就里讀完初階一既大半, 好開心!

之後, 同安娜食飯, 佢係墨爾本返里渡假, 聽日會去北歐旅行, 所以我地出里食下飯。我地係starbuck hea左一輪之後, 都諗唔到去邊食飯。 於是係街行下行下, 突然諗起食板前壽司, 排左個半鐘, 好辛苦呀!

排左咁耐, 梗係食返夠本啦, 好味!

各位, 由於我最近實在行程太緊密, 大家未必會好易搵到我, 唔緊要, 留message比我啦, 我得閒d會覆架啦。

안녕히가세요!

解決左未? 唔知喎!

更表出左, 嚇左幾跳, 竟然每個禮拜都match到我, 暫時放下心頭大石。亦都係因為咁順利, 我既杞人憂天又係歡愉之餘, 又突然擁現......because呢個何能係十一月既警號!

公司個system真係唔掂! 今日已經出左更表四日, 仲係慢到死, 一時error, 一時timeout, 今個月仲多埋"quota到頂, 明天請早", 花臣多到不得了, 我覺得其實唔想我地send咁多request就真。

開始左今個禮拜既連續五天工作週, 希望忙埋呢幾日之後可以hea下!

妄想去欄街!

低能的topic! 連我自己都覺得係!

越係唔得閒, 條欄街蟲就越活躍, 咬得我好痕! 我無乜特別野想買, 只係差唔多三個星期未曾試過可以無憂無慮咁去街hea, 所以覺得好down, 就算半日都好, 但係呢段日子以來, 好似諗下都變成奢侈品。

上星期, 由於standby, call走左, 所以無上堂, 今晚要加倍溫書同備課。我萬萬估唔到, 一個爛到發霉既更表 + 一個course可以令我生活"小亂"。點都好, 我無後悔過, 希望聽日出個更表靚d啦!

另外, 我近排好憎睇或聽到新聞係有關"倒扁", 好X煩, 好Y悶, 好Z嘈, 好Q老土!

昆哥今日吾昆你! 信唔信?

大地回春, 又熱返啦。擒日有gathering, 同PSM, 昆哥, wongoy & MF食飯。

昆哥係電話已經同我講:「昆哥今日吾昆你!」我實在忍唔住笑, 冇可能既。昆哥話有朋友北角間"I.V.I.S."酒店入面, 有間海景餐廳, D野幾好食。 "IVRS"我就知係乜嗟, 是但啦, 我都唔知間酒店係邊 (雖然我曾經係酒店界巨子!), 於是, 我地就約係銅鑼灣等。

Before我地到達之前, MF已經去到酒店, 發現唔對路, 根本都無昆哥講既果間餐廳。等齊人之後, 發現原來係"ibis酒店", 我地一齊搭LIFT去十一樓.........係.......客房里架, 之後, 去唯一有線索既地方, 2樓, "RESTAURANT", 哈哈, 果然吻合。有D似大家樂, 海景就............於是我地一齊拉隊走。

錯有錯, 昆哥帶我地去食"東寶小館", 好正呀! 雖然係大排檔, 但係D野真係好好食, 仲好fusion, 甜品係涼粉加cheese cake。

跟住, 仲好早, 我地去睇"夜宴"。呢套戲, 純cast, 無哩頭, 劇本弱雞, 跟本任何一個演員都做到, 如果唔係吳彥祖同章子宜既fans, 我唔覺得有乜野原因去睇, 真係想嗌回水。由於MF先走, 無中計, 我地四個睇到先後左。 一句講晒, 呢套戲既結尾係"一鑊熟"! (我知PSM一定又笑我呢個term!)。

一天光晒....之後....又一塌胡塗!

心情唔係太好! 係因為有野manage唔到!

一路都係忙住返工, standby又call足, 假只係夠, 想同人調更, 我自己d機又密又核突, 除非出最後一招, 但係遲早穿煲! 同埋, 公司最近又出新招去捉一d成日唔返工既害群之馬。我有時都會覺得多得呢班人唔少, 我都覺得應該殺一儆百。

又收到公司e mail通知我十月都做唔成高鐘仔, 即係話, 當更表出左之後, 我又要係咁搵人調d禮拜六比我返學。到左呢個階段, 我唔想放棄, 因為我已經涯過左個適應期, 而我亦開始掌握到學習既方法。

下學期(十一月)既時間表出左, 但係又係有D阻滯, 因為要考入學(升班)試, 日期就只有一日。咁呢一個禮拜將會好忙, 因為撞正熙熙同Hazel既結婚大日子, 我一早應承左做司儀。而我要放假既日子, 全部係卡啦卡啦既, 就算公司幾generous, 都無辦法entertain到我, 我都好明白。

係絕望之下, 都會肚餓架, 落街食飯! 原來真係好事多磨, 有人比我更頭痕。

食完飯後, 熙熙同Hazel打電話比我，原來熙熙有四個兄弟已經先後放左飛機, 急須搵人做戥穿石。佢地係我既好朋友, 我真係唔可以唔幫。雖然我自身難保, 但係都唔可以袖手旁觀。同Hazel交待完我既situation之後, 我依然拍心口頂硬上, 點都好啦..................人生有幾多個好朋友呀!

跟住, 收到安娜既衣貓, 真係唔好意思, 我真係好唔得閒。安娜將會返港渡假, 問我邊日得閒見, 我直情眼前一黑, 乜都諗唔到, 個腦實晒................或者當安娜返左香港之後, 我都未必有時間見面。

都未曾settle好安娜個衣貓, 靚女珍打電話里問我知唔知外甥Max依家係英國點, 我真係唔知。Max上個禮拜去英國讀書, 我都抽唔到時間送機, 所以, 唔好意思, 請靚女珍聯絡靚女芬啦!

係打今日個blog之前, 搜習晒我需要放假既日子, mark好晒係日曆度, 之後, 一望.......我投降啦, 算啦!

早前同公司一D senior既同事傾過呢個問題, 佢地都話"不如返公司傾傾", 佢地既意見係, 公司都唔會就到咁多, 但係有得傾既, 我諗我都要準備下, 睇下luei到d乜啦。

各位, 請祝我好運!

明洞街頭

權相佑大戰黑小童

Mcdonald - 人參版

狗狗新裝

1000won雪糕

一路太忙, 無時間將d相擺上里, 仲有d係"My Photo"。

一天光晒!

終於有兩日透下氣! 今個禮拜d錢唔易賺!

公司個test, 竟然100分。人參話考試, 比想像中簡單好多。我真係好憎d野經常係我最唔得閒個陣堆埋里, 呢d唔係我控制範圍內既事, 我真係好無奈, 因為無得推, 仲time consuming。

捱埋今日公司個無聊節目"卓越服務姿態"......救命, 我覺得公司冗員過多既問題又嚴重左! 美其名係training, 實際係洗腦, 但係又唔係咁work, 總之就係x氣! 我今日只係不停係道自言自語"好悶"左N咁多次..............

兩日後stand by又黎啦.............