芭堤雅之旅! 해요(haeyo)!

係wongoy婚禮之後, 我地去左Pattaya度假!

當然, 我地梗係嘈到七彩啦! 不停咁吹水, 我成日叫老昆同PSM해요(haeyo, 做啦咁解)! 佢地亦活學活用, 即刻搦黎講笑! 於是我地咪해黎해去囉!

PSM同老昆送左一份生日禮物比我, 係我自己簡既, 型銀鍊一條!

都係睇相啦! Click入右面"My Photo"!

WONGOY的曼谷婚禮!

四日前, 我, PSM同老昆飛到曼谷出席wongoy既婚禮! 我好開心有機會去參加, 簡直大開眼界! 每個嘉賓都悉心打扮赴宴, 場地亦佈置得好精緻, 而令我最深刻既係佢地既結婚蛋糕!

我返黎之後, 實在急不及待upload左我映既相比大家睇!

詳情click右面 "My Photo"。登入後, 請選擇有關相簿!

追電視!

"逃" 第一季終於完左, 好緊張! 好期待三月既Season 2!

我又追緊無記既突圍行動, 好正, 戲中各人各懷鬼胎, 奸到出汁, 而且應該仲有好多伏線未講到! 我會追落去。 吳唱K講英文又出事啦, 佢原來唔識讀"style", 佢讀左"事dar勞", 好清楚, 我笑到死左, 仲不停rewind聽返咁正既讀音!

私底下, 我暫時放底我d日劇同軍曹, 但又開始左睇"Bleach - 死神代行篇"(日本卡通), 呢套卡通我諗已經做左一段時間, 因為網上都有, 仲做到百幾習, 我都係慢慢睇好。

仲要留返d時間讀人參話同升職試題, 好慘!

生日事務所!

算唔算過左一個平靜生日?

好耐未試過生日返工, 今年剛好要去台北, 到達之後, 已經係凌晨十二點。 同事們係旅遊巴上為我唱左首生日歌, 感覺好好, 比送禮物比我更開心。第二朝返港, 由於要趕注返學, 無辦法先返屋企, 局住唯有去會一會太后。 放低行李之後, 即刻"萌", 算我有食神, 失驚無神比我搵到靚女芬, 佢抽仔放學, 係酒樓開左位, 太好啦! 唔係兩個鐘都唔知攝去邊。因為我無乜點訓過, 實在需要一個坐得安安樂樂既地方。

上堂釣魚, 好耐無試過釣到個頭跌左落臺, 好辛苦!

放學後, 趕去剪頭髮, 等左個幾鐘, 唔係無時間剪, 因為兩日後就係WW既新婚之喜! 我應承左去飲, 所以要執靚仔D!

好眼訓, 帶住疲倦不堪既身軀, 係, 真係得返個殼回到太后府, 櫪返行李, 即閃搭的返歸!

好快就輪到wongoy既大婚日, 終於同老昆, PSM商量晒我地曼谷既其本行程, 返而到左呢一刻, 我係覺得我未係好ready, 唔知係咪呢幾日我"支力"得滯, 無時間諗野!

再次多謝各位形形色色既祝福!

威兒鋼

來自PSM既小禮物, 佢千叮萬囑我一定要擺呢樣野比大家睇。 我第一眼見到個陣, 都以為係堅野, 其實係一樽糖!

終於等到啦!

今日, 終於輪到我地呢班一路默默耕耘左七年既同事們有機會考升職試啦! (走左歪路, 或旁門左道, 甚至不歸路既除外!) 我地幾個, 好似PSM, 老昆(即係昆哥, 已經升格左!) wongoy同我已經係中午apply左!

點知公司今次咁快, 傍晚已經send e mail通知我地初步符合條件, 需要簡日子考試。

係度祝大家都順順利利!

角仔!

仲有一個月就新年啦!

我每年都好期待, 因為有好多好野食, 特別係角仔。今年又忍唔住, 要先食為快, 去旺角一間老餅店買左一斤頂住癮先!

減肥, 遲D先啦.......我又盤算緊買蘿蔔糕, 之後有WW請飲, 仲有放大假去泰國出席wongoy既婚禮兼旅行, 增肥餐單!

五色靈芝???

PSM:「送盒五色靈芝比你!」

非也! 係五色金莎! 係我老屈PSM送既! 香港仲未有得賣, 基本上係五隻味, 好似: Mandorla, Nocciola, Pistacchio, Cocco and Lampone-Fragola (唔好意思, 有d我都唔識解)。

事緣月頭去過一次Frankfurt, 無意中發現左呢盒好靚仔既金莎, 本來都諗注買幾盒過年, 我衰到不停promote比我d同事, 攪到佢地一個二個都買晒! 我本來諗注第二日先買, 但係我個gip實在太多野, 所以放棄左。

返里後, 同PSM吹開有盒咁既野, 佢都好excited, 於是我咪有野收囉, 哈哈!

而PSM亦送左一盒比靚女芬做生日禮物, 芬芬都忍唔住話:「咁靚, 唔捨得食, 擺下先!」

PSM的新襪!

我好鍾意貓, 除左一隻叫Hello Kitty既!

但係, 我身邊硬係有好多呢隻貓迷, 今日PSM就著左對新襪, 睇下啦!

大整蠱!

公司真係每日有新野玩!

由於飛機坐位有新裝修, 所以每人派左隻光碟返屋企自學, 淨係睇, 已經足夠令人窒息而死, 係悶到XYZ......@@###!!!! 亦因為有時限, 要係限期前做埋個accessment,仲要pass80%, 我真係唔敢怠慢。

之前, 我睇唔夠兩個chapter已經不支倒地, 在我呢講, 係一d好無聊既subject。於是今晚, 大蓋兩個半小時前開始繼續呢個"課程"。我係睇完之後, 就急不及待去做accessment, 我望住d題目........對眼都定埋, 真係佢識我, 我完全唔知佢係邊位! 無意外, 我真係肥左!

再撞彩做多次, 搏大霧, 又衰多次, 無計, 惟有由頭讀過。不過我今次醒啦, 我一路抄低d出過問題既答案........就係咁, 比我過左骨! 救命!

新年快樂!

新年快樂!

新年前依然唔知點解好忙!腸胃炎之後大傷風, 繼續做病人, 前日簡直全日差不多昏迷不醒! 呢兩日好好多, 但係依然流鼻水!

為左獎勵自己過去一年既努力, 買左少少野! 包括:情意結 - 高達編, 呢套卡通係我細個果陣既其中一套至愛, 亦係唯一一套卡通我唔同三少爭電視睇既! 擺好晒之後, 返而覺得只有一個亂字!



地鐵Keroro全套精品, 多得小春既一臂之力, 先可以有齊成套!

I pod喇叭, 想買左好耐, 比我無意中發現左呢個Philips, 如獲至寶, 價錢唔貴, 雖然唔係好靚仔, 但聲嚮超水準, 仲有woofer!

當然唔只咁少野, 睇下全體相先呀!

其他既戰利品, 有朱古力電話, 軟硬DVD, 英文字毋牌子時裝, 波鞋.......等。