死神

最近的至愛 , 網上已經做到百幾集!

同你up一up!

正式收到通知, 我地, 包括PSM, 老昆, wongoy等既升職考試已經全面合格, 只係需要等上堂。

另外, 我已成功按左室內無線上網, 雖然無desktop咁習慣, 但係我而家可以一邊打電腦, 一邊睇電視!

應該係搬酒店前最後一次去"地獄", 終於可以離開呢d鬼地方, 好呀!

今次"地獄"之旅, 都有同PSM一齊hea左半日, 點解呢? 因為佢遲我一班機到, 既然大家都會眼訓, 不如求求其其食下飯算啦。不過佢今次好黑仔, 比一個cheap精女人個掟爆左隻指甲, 係中間斷開左, 仲爆晒肛, 係咁留血! 我都戥佢唔抵, 件cheap精連一句唔好意思既說話都唔講! 祝PSM早日康復!

至潮產品工作坊

今日上左公司個"至潮產品工作坊", 悶到我嘔到成地茄!

悶就一早預左, 但真係估唔到咁無聊, 東扯扯, 西扯扯, 講得出究竟有幾多野係關架飛機事! 公司冗員過多又黎啦! 咦, 我好似無耐之前唔記得上完乜堂之後, 都講過呢樣野喎, 咁快又里過!

總括里講, 又係三覆屁; 洗腦。

上晝: 歷史, 背景, 掂下個假實物。
下晝: 睇片, 某大飯講解一個英文term, 已經唔記得, 係"留客"咁解; 英文堂, 做七個角色扮演 (救命! 近排做得太多太密, 今日我竟然唔識反應!) 呢part亦係最有用既一部份, 因為有時有d野都唔知點講先好, 有老外, 老總亦唔知點反應; 寫flip chart, 題目係"怎樣在新飛機上支持你的不同級別的同事", 頭痛, 有乜關係, 我剩係記得, 我同同臺同事講過:「我支持唔注啦!」

講到尾, 今日只係第二班人上堂; 點揀人既呢, 我地終於解開謎底啦; 我地簽到個陣, 發覺差唔多所有香港人都係同一個姓氏, 而個個都係個幾班機, 係partner! 而呢架新機, 至少要有一個我地呢d先頭部隊, 做"經濟一號"走上走落走前個三岔位。

新飛機之後行程預定: 巴黎, 倫敦, 仲有攝罅既星架坡, 椰加達, 賓賓同台北!

落堂前, 主持人講左句好精彩既說話:「架飛機一日未到, 都有野會轉, 所以今日講既野, 只係今日適用!」犀利, 咁我返黎做乜!

新飛機給我的喜悅與煩惱!

公司將會有新747到, 而所有同事將會上堂學呢架有新"內隆"飛機既操作。 我就咁好彩, 被揀左做頭個批。

4月更表出左, 由於預算呢架機會出得黎飛, 所以我d個更表都有3班機係呢種747。 好處係有靚既法蘭克福同東京, 唔靚既有Bali; 但係, 就算靚唔靚, 如果我要掉班, 就只何以同上左堂既同事掉, 只不過, 有幾多人上左喎!

我後日就係要返公司上呢個堂囉!

考試的啟示 - 結局編!

A-, 真係估你唔到!

小別香港心情靚!

今個星期一, 終於可以同香港d潮濕嫌悶既天氣暫別, 同老友露茜亞一齊飛去Sydney。 呢度天氣飛常好, 藍天白雲, 同香港既一舊雲, 乜都睇唔到個種無生氣, 心情真係豁然開朗!

去到Sydney, 竟然撞到另一個好耐無見既朋友 - Eu記! 我地見到即刻係咁講, 吹到停唔到口, 所以要約定月尾飲茶再講!

無無聊聊, 竟然去左一個我從來都無諗過要去既地方; 露茜亞提議既地方, 真係差唔多所有大城市都有! 我就老實唔客氣, 講到明唔洗入場費先去。 露茜亞就話聽同事講係唔洗比錢既, 咁就即本去一次啦, 橫掂都係搵地方hea嗟! 呢個地方就係Sydney Tower啦!

一年無去Sydney, 發覺留下個爛鬼mall裝修過, 多左幾間食肆, 而酒店附近亦開左大型超市, 簡直方便晒我呢d懶鬼! 係呢間超市度, 比我發然到d好型既購物袋; 圖中粉紅色既, 當然係留比pinklady - PSM啦!

考試的啟示

只係三個月就變左, 定係有其他原因?

擒日, 考左今季既人參話final exam, 由於近排實在好"支力", 又經常周身骨痛, 我無乜時間去諗野, 所以我做左一個英明決定, 至少我而家都無後悔! 就係星期六上完堂之後大覺訓, 擒日去考天才波!

一個鐘做50條題目, 好抆; 題目都未睇明, 已經要答; 唔會有好長既時間比你諗下條題目, 完全係我意料之內; 最大鑊係有好多野未見過, 又無時間估, 所以我係arm既, 唔讀去考係arm既, 因為讀左都唔會識, 識又做唔切!

到listening, 開頭都仲有望既; 到左後半部, 我已經....哈哈.....用慣性方法做囉!

咁有乜啟示呢? 我考完試先係12:00, 所以仲有好多時間去行街, 唔洗趕, 之不過, 我乜野都無買到喎!

"七"不思議之謎

今日係公司撞到芭比, 講下講下, 原來佢都有check注一件事, 而呢件事, 包括我, PSM, 老昆, 阿允都會經常check注, 睇下當事人點玩落去, 幾時玩到自己返肚。

連芭比都話當事人好顛, 點解何以擰自己既歲月黎玩; 萬一出事, 以佢既年紀, 學歷同經驗, 好難係出面搵野做!

當事人前晚打左一個電話比我, 簡直不知臉恥, 要求我係5個鐘內幫佢做一件佢自己既份內事, 點解, 因為限期到! 而呢份"優差", 所有同事兩個月之前已經接到, 做到個個都丟丟聲! 聽左之後, 只係覺得強人所難。 "佢咁得閒都唔自己做!" 我就剛剛先做完十日後備, 已經辛苦到我死, 仲同我講埋d咁既野! 我更係唔蘇佢啦!

PSM, 阿允, 芭比同靚女芬聽過呢個故事都話:「佢好自私, 唔好理佢!」

WiiWii嘩嘩!

終於抵受唔到各大blog友既推介, 諮詢阿ball之後, 我前兩日都加入戰團!

多謝靚女芬送比我既呢份遲來的生日禮物, 真係玩到唔停得手, 隻手同背脊痛到八彩, 要暫時停賽! 尤其係"死神", 我真係好投入咁擰住把刀去劈友, 差d扭親腰骨!

雀躍既唔只我, 估唔到連PSM都係Anchorage搵過呢樣野。

今日咁轎係公司撞到亞細, 順便問埋有d乜野function, 原來仲有好多野我唔知喎, 得閒睇怕都要搵錢氏教下路。

上到飛機, 連我個紫姐都話應該幾好玩, 佢都想買, 真係估唔到!

前程似錦

今次呢個standby, 我體會到未來既挑戰! (如無意外既話)

由於年假期間, 好多人請假, 幾乎班班機都唔夠人, 比阿ball講中, 我班首爾無左啦, 比人扯左去"炒米"; 之後既馬拉, 再次榮升阿哥! 對住依家d女, 真係覺得自己好"得", 我做呢班機, 簡直堪稱一人大戰七女, 兩個字"精彩"! 江山待有人才出, 詳細情況唔講啦, 因為太長; 亦因為呢次既經驗, 我更了解自己比人優勝同需要改進既地方。

講到尾, 而家d女, 真係唔可以對佢地太姑息; 唔係只會淪落到養奸隊自己! 想知道詳細情況既同事們, 請聯絡我, 過定d料比你地, 祝各位好運!