L I T T L E S U N N: April 2007

意外的旅遊

檳城四日, 如果無地方去都會幾悶架! 好彩有同事去浮羅交怡, 所以我又跟埋去! 誤會之下, 我兩個同事都以為book左觀光團, 因為佢地無諗住落水, 我就無乜所謂, 橫掂都未去過, 雖然我好想去玩水!

去到碼頭, 先發現佢地原來book錯團, 佢地book左snokeling團, (arm晒我呀, 但係都要尊重返佢地意見) 睇過章程後, 二女都話仲悶過去"無得落水團", 所以就去左玩水睇魚!

比起Cairns, 呢度仲多魚, 仲有好多唔同既品種, 而且唔洗徙好多時間係交通上。

睇下相, 比我映到兩條鯊魚; 佢地唔走架, 成日都係碼頭邊等人喂野食。

似唔似馬爾代夫?

係浮台邊, d魚都係唔怕人, 趕到唔走!

用落水傻瓜機映既, 已經係最清楚個張!

仲有其他相已經upload左係我的相片度!

少女希的日誌

外甥少女希開始寫佢個blog, 睇下佢可以維持到幾耐先!

請支持下呢位小朋友呀, 即登入http://www.xoxfoodlover.blogspot.com/

或者, 用我個blog有link到(外甥小寶)。

我睇左, 雖然唔係好明, 不過, 少女心事都係........哈哈!

東京行!

一日24小時係唔夠用既! 得閒果陣, 就會得閒到唔知做乜。自從今年開始, 都好似從未有過"真空期", 乜野都密密麻麻, 近排都係, 但係有收獲!

唔知幾耐無去過東京, 阿ball之前講過個mall裝修, 果然in左。最好仲有被call standby既露茜亞一齊顛!

Collon, one of my favourite snack! 今次出到哈蜜瓜味, 雪凍更好食。我已經唔係香港買, 因為發覺佢已經係made in Thailand! 而日本就繼續變味。

恨左好耐, 想買條型仔褲鍊, 今次買左啦!

總之, 以後去東京都係要做好準備, 因為我都行唔晒呢個唔係好大既mall!

晚上總是忙得很!

放假既下晝總是係屋企lililueiluei, 都唔知做過d乜! 但係一到夜晚, 日頭諗唔到要做既野, 夜晚不停咁湧現! 係咪真係要講下mood呢?

修剪同繁植d大得太快既花草樹木: 可以快d送比人, 我又衰, 望花快高長大, 但係大得太快, 又覺得阻頭阻路, 都係快快趣趣分盆算數!

洗衫: 淺色衫, 唔係會染晒色同好易變舊!

拖地: 因為好污糟!

洗碗: 例行公事!

例行公事仲有: 睇電視, 汁都要撈d; 睇書仔, 打blog, 更新下mp3.....etc

今晚仲有悶ball來電問公課......咦, 我自己d人參話公課仲未做, 積左兩個禮拜未做添......即係今晚要開夜車囉!

倫敦up一up

搬新酒店, 少左錢, 15x, 但方便左, 可以自己控制去街時間! (搭車錢都唔想出者除外)

復活節在倫敦, 令我諗起上次到倫敦係聖誕節, 渡日如年; 今次把握星期六仲有街行既時間, 唔理得眼訓同嘴腫, (係因為太乾) , 都要撲出去先算; 有季尾貨減價, 但新貨就依然企硬唔減!

唔緊要, 呢期d野, 我痳痳地 - V領或長袖針織, 好似以前返學既冷衫! 褲就係超slim, 呢兩樣野我係絕對carry唔到既! 不過, 我今次竟然係"沙華"買到野喎!

講返酒店附近, 有Primark (無Hounslow果間咁月下feel, 雖然都係比人摷到亂龍), bodyshop, M&S, 大型超市, 老麥, KFC, Subway, Starbucks 同好多餐廳!

如要買潮野, 依然係要去town。可以搭大家經常搭既9, 10號 (如好得閒既話), 唔係既話, 搭地鐵會快好多!

酒店方面, 房係靚左少少, 無TVB, 早餐6鎊, typical英國style, 個人覺得唔值。Gym雞到不得了, 不值一提。亦安置左"敘腳地"係地下既角落頭, 仲簾埋返光紙, 係一個密室! 少少空氣都feel唔到, 有microwave, 兩架電腦, 而d女繼續霸注里MSN, 剷都唔走!

而我地落車既地方亦唔見得大方, 算啦, 已經習慣, 今次係間酒店既設計問題, 無乜人留意到佢個正門係邊!

!

好舒服! 可以耷腰, 大腿, 小腿同腳板底。第一次試玩已經想買, 但係獅子銀行信用卡先有折, 梗係要搵靚女珍出馬啦, 佢都話正呀!

春天的露台!

大地回春, 百花齊放! 新年前去左一次荷蘭, 買左兩棵朱頂蘭頭, 諗住比靚女芬。點知芬芬同我講, 屋企現在太多, 唔要住! (又係你叫我買果喎!) 算啦, 自己種!

前兩日, 芬芬問我棵花開左未, 佢想知係乜野色, 會唔會係佢無既。佢話比我知, 佢屋企依家全部有十三棵, 陸續開始"爆"花!

今日, 等到第二棵開花, 咦? 明明揀左兩pack唔同顏色架, 點解開左之後係一樣, 蝦肉色既?