夏日出事記!

天氣真係熱到頂唔順, 一不留神就出事! 睇下今次要花我幾多錢!

星期六趕住返學, 我唔知癡開邊條線, 我竟然係熄電腦前快手到走去刪電制! 我已經心裏暗揣不妙, 唔會咁好彩掛。

返屋企開機, 我知出事; 彈左一段野出里......大概係程式出現問題, 之前既野無法儲存。我諗下, 我都無乜野要save, 都唔會好大件事。點知當display到桌面, 我張死神wallpaper唔見左, d 桌面icon無晒, 我的最愛link無晒, 廣東話輸入法無左........N咁多樣野無左, 就好似我剛剛買返黎既新機一樣。

我嘗試load返晒d programme入去, 唔受! 仲抵死係上網, d不知所謂既search bar彈晒出黎, 佔左半版螢光幕。

咁我d相同mp3呢? 好彩, 又係返道, 都唔知想點! 吹漲!

大家一定會奇怪, 點解我仲寫倒blog? 因為我舊年搦架desktop去整個陣, 整左好耐, 係無辦法之下, 買左部laptop; 亦因為我唔係好鍾意用laptop, 所以呢部永遠只係後備, 簡單d講, 我係乜野都無load落去既。

救命!

升職後的第一次

帶注病上路! 唔老黎, 但始終都要面對!

升職之後既第一班機, 都係逃唔出做全爆"菠籮"既命運。好彩係我d同事好好, 唔係根本無辦法完成, 另外我明白到預備功夫既重要性! 做左咁耐, 都未試過check完餐件衫會濕成咁, 當時我真係好想除左條tie! 總括黎講, 無做漏野, 我阿姐都話我very good!

返港後, 急不及待返公司會各同學, 將我呢次寶貴經驗同大家分享!

PSM今日終於以勝利者既姿態成功突圍, 唔洗再做地底泥, 光明正大咁畢業! Well done! Keep it up, my friend! 而我, 今日咪繼續嫌悶地去覆診.......一陣仲要溫書, 因為我既人參話又有test啦!

撐唔注啦!

今日係今個禮拜睇第四次醫生!

感冒菌既強勁處, 大家都試過。本來都想撐埋落去, 但係我望下我個更表, 唔係太樂觀; 今朝係覺得透唔到氣, 從睡夢中咳到要起身再咳, 喉龍痛到上耳仔, 再試下講野, 我係塊鏡度見到自己個樣係辛苦到娜埋一執; 唔好再咁死頂, 去睇醫生搦假紙。

醫生聽到我把聲, 已經第一時間同我講:「我諗你要放下假。」估唔到佢都知我地上緊training個陣係無辦法放假, 真係好感激佢問我想放幾多日。

連昆昆都病埋, 佢今日都同我一樣, 放病假!

畢業啦!

今日終於完成成個training, 鬆一口氣!

相信呢幾日我地都係筋疲力盡, 我地既對話亦唔見正常!

我滴緊眼藥水時, 昆昆問我:「你帶邊隻隱形眼鏡?」

我:「帶左兩隻。」

我地沉默左兩秒之後, 哈哈大笑!!!!!

*************************************************************************

擒日, 芭比好疑惑咁問我點解叫昆昆做昆昆, 我即刻諗下我應該由邊度開始講起呢? 跟注, 我同昆昆又大笑起里, 不過今日PSM同昆昆已經將謎底解開!

**************************************************************************

每日既lunch, 我都係同wongoy, 昆昆一齊食, 排隊買飛時既對答實係:

我:「食乜呀, 我好飽!」

wongoy:「咁叫兩樣野一齊食呀!」

昆昆:「好呀!」

輪到我地個陣, 我一定擰返轉頭問:「即係食乜, 我唔記得左!」

去counter等餐個陣, 我又會再問:「我地叫左乜野呀?」

*************************************************************************

我去超市買野飲個陣, 通常都問埋大家, 有一朝, 昆昆答我: 「津路。」

我: 「好呀, Juno呀」

之後既日子, 昆昆會同我講: 「Jun唔Juno呀?」

**************************************************************************

其他相片已經up左係my photo既PRT6入面, 慢慢欣嘗啦! 今日影完相, 我發覺係時候換機啦!

We Reunion!

七年以來第一次既全家福!

我地有八個今日甩難, 其餘既六位仍需努力!

PSM今日被奸人所害, 簡直係六月飛霜! 我地個個friend都戥佢唔抵, 希望佢既努力, 最後會得到回報! PSM, 我地會為你打氣, 千奇唔好輸比睇你唔起既人! 比心機!

繼續上堂繼續病!

兩日假期, 好快就過左! 胃痛好返, 但係我野到同班同學既感冒菌, 咳兼喉龍痕, 無辦法, 都係先睇醫生, 因為仲有第二週既堂未完成, 呢幾日仲要繼續同呢個病菌係office鬥纏!

我相信呢個禮拜會輕鬆d, 今晚要準備聽日既briefing內容, 要預備五分鐘以上既內容, 原來唔係話咁易, 我arm arm寫完我個大綱, 練習左幾句, 發覺都係甩甩咳咳, 所以都係先hea一陣, 打下blog!

PSM及其他同學今日都上堂啦, 全無意外, 佢地就好似一個禮拜前既我地; 唔同既係, 佢個班主任比較嚴緊, 希望佢地個個都順利過渡啦!

老昆對眼都有d麻煩; 佢係我既疲勞轟炸下, 今次出奇地快咁配左副眼鏡, 聽左佢既情況, 我勸佢都係帶返眼鏡為妙, 保重呀老昆!

機會難得再一次的combination!

好唔容易先捱到一個禮拜!

難得老昆可以咁快比到相我, 所以我先可以比大家先睹為快! 呢日係第一日上堂, PSM臨飛之前同我地影既!

更難得係因為我同老昆已經著左新制服, PSM著舊制服, wongoy未有新制服!

下個星期我地會等埋PSM著新制服再影過, 留意啦!

多謝關心!

呢幾日上堂, 真係比想像中忙好多, 無形精神壓力好大, 日日都好似唔夠時間用, 又胃痛發作, 日子過得好快, 無乜時間可以做預備工夫! 今日第三日, 有少少空檔可以check下自己個blog, 好想借呢個機會去多謝我兩個好朋友, PSM同老昆既關心!

事緣係一件工作上既爭拗, 對於我里講, 雖然唔係發生左好耐, 但我已經覺得係陳年舊事, 亦無令我耿耿於懷; 反而係我既好朋友們今日係巧合既情況之下, 聽到有人到處刻意抹黑, 而替我不值。 我真係好衷心多謝老昆同PSM(或者知道呢件事既朋友及同事)對我既關心, 反而令我唔安樂既係佢地比我更緊張, 因為呢件事而擔心我!

我依家發現blog有一個好處。一d平時唔好意思講既說話都可以係呢度傳達出去, 容許我再次多謝我兩個好朋友 - 老昆同PSM!

思部屋

PSM今日做左老闆娘啦! 恭喜恭喜! 今日個標題, 我都諗左好耐, 改個乜野名好呢? 思之部屋, 思人朔膠屋, 思人地帶, 思奶仔首飾, 思家部落......最後, 我都係揀左呢個, 施暴......唔係, 係思部屋!

我地今日既行動絕對係即興既; PSM係深水買左d架返黎, 但係由於個箱既size太細, 所以比我bang剩一個; 由於太多貨, 我整個display都用左好多時間。

標價, 係一個最好笑既環節。有無見過PSM既ambitious樣?

係喎, 佢間"舖"係荃豐中心, 各位得閒去幫親下啦! 仲有, 各為PSM既好友, 請留言為佢打氣啦!