一切從任性開始

大家覺得呢間餐廳點呀? PSM好想係呢間餐廳映相, 所以就入左去下午茶。我當然唔會拒絕啦, 又有得食! 我地叫左兩件cake + 兩杯drink, 埋單成為US33.33。個銀碼好好意頭, 但係令我同PSM打個突!

我玩PSM, 話佢因為一時任性, 食左餐貴既, 攪到佢幾唔好意思, 諳荷包請客。其實我都覺得唔好意思要PSM請我, 但好似PSM咁講:「大家friend嘛!」, 我下次請你食番餐勁既!

P.S."一切從任性開始" 係梁炳一首舊歌, 最近先係網絡上聽到, 好正!

闖蕩江湖 - 紐約行

撇開朱夢琴單野唔講, 今次同PSM都玩得好開心。我有一個重要任務, 就係幫眼揀晚裝, 於是我地第一日既行程就去左Macy's。我見PSM買得咁開心, 我都係H&M買左件T。

第二日, 我發顛, 一早捉左PSM落唐人街食野, 由於我實在太肚餓, 見到有得食既地方就走入去, 坐低左係蛋撻皇之後, 已經急不及待叫蛋撻。當人地仲係食緊早餐, 我已經問有冇炒粉麵, D伙記真係會覺得我好耐無食野。之後, 我地仲食埋燕窩蛋撻先走, kimochi哦!

呢次PSM都破財囉! 買完條evening dress已經元氣大傷。亦係我曚查查落錯車既地方見到間Puma專門店，於是PSM再破慳囊, 買左一對佢心儀左好耐既鞋。

錯有錯著, 再行到一間什到乜都有既什貨舖, PSM又有斬獲, 就係一套好classic既茶杯。

跟住就發生左一件任性事件, 我應承PSM另開一個topic。請移玉步, 各位!

冇里搭圾

好聽D, 男人叫不羈, 女人叫善變, 但係好在於個人演繹, 一但眼高手低, 又或者差少少灑脫, 就會變成不X知所謂。

以上既開場白, 我好希望我識既人都唔會係咁!

今次, 第三次再去紐約, 同PSM調埋一齊飛, 好開心! 本來既搞屎棍朱夢琴話同埋我地一齊去, 竟然係出發前突然人間蒸發, 連佢屋企人都話唔知佢去左邊! 好老實, 朱夢琴呢d事對我里講, 絕對唔新鮮, 但係枉費PSM為佢準備既野。其實就算最後唔想去, 係一d都無所謂, 我地亦唔會迫你where個理由出黎。我同PSM既見解係一致既.......至少都打個電話通知人, 呢D係好basic既, 咁大個人根本唔需要教!

攪到PSM一講起呢件事就會:「冇里搭圾!」

已經過左六日, 我地亦返到香港, 但係連留言都無一個, 我仲可以講乜?

Fly To The Sky

好出色既一隻R&B碟, 出左個幾月, 我好彩係信和買到水貨, 因為到依家都唔見有行貨。我每日都會聽下呢隻碟, 好頂癮! 熱烈推介比大家。

過份!

呢遍係"如廁"同事以外既人, 難以理解既公事。可以比喻為中六合彩頭獎, 羅左獎金存晒入銀行N世紀, 一日突然發覺賽馬會靜雞雞羅返晒, 仲冇通知你。

正題: 返回二月中, 我一早就已經調好左一班同PSM一齊飛既紐約機, 而公司都批准左, 電腦紀錄亦改好晒, 亦唔會再日日check注D舊transaction。 朱夢琴同PSM都準備好我地會一齊去玩, 我亦諗唔到有乜原因會發生d咁既事。

前日返到香港, 突然間心血來潮, 唔知點解我會走去打開呢個舊transaction。唔睇由自可，一睇簡直"可怒也", 乜火都黎埋。公司靜雞雞將d機轉返晒轉頭, 仲要冇比notification。我再睇多次, 呢個調機已經係十日前批准左。

打電話返公司, 有關部門吞吞吐吐。我梗係唔放過佢, 終於比我"敖"到佢爆料:「我地收到"放假部"通知, 同你調機果位會係四月放大假, 而佢另外要求左放大假前一d特別假期, 所以通知我地一定要推翻所有既野!」

各位如廁同事都知, 公司d野, 不扭都係"request can be reject", 同埋我地根本就唔可以另外要求d乜野特別假期。仲有, 二月中冇可能已經出定四月既野, 而我調既機亦只係三月。佢亦可能搏我唔識同我調機個crew, 但係唔好意思, 今次咁arm, 同我調機果個係我同班同學。我梗係唔出聲, 亦了解到死luei都無用, 所以收線後, 我繼續部署下一步返擊戰。

PSM知道後好激動, 我地一齊刁媽拆蟹之後。我決定搵關鍵人物, F小姐問個清楚。F小姐表示佢都冇idea, 後日返香港後會再打返公司問。

由於我自己都好慶, 加上jetlag, 成晚都訓唔到, 於是我繼續部署今早既行動。我又再打電話返公司, 扮唔知問過另外一個m小姐。佢表示收到"更表部"既一個無內容既通知, 一定要推翻呢個已經批准左既調機。跟住我就表明身份, 指責佢地部門前言不對後語。我繼續擺出一個不會妥協既姿態, 仲係咁挫佢地郁我更表唔比notification, 好易會令我miss duty。我係咁咬住佢地閉門造車既事實唔放, m小姐冇我辦法, 答應徹查事件。

無幾耐, m小姐打番比我:「我地已經決定將班紐約機比返你。」
我:「可唔可以話比我知發生乜野事?」
m:「唔方便透露, 總之係程序上出現問題, 我地搵到另外更好既方法去解決, 呢件事唔應該煩到你, 我地會聯絡f小姐。」

正義必勝!

各位如廁同事點睇?

最後, 好想多謝PSM成晚為我祈禱同埋支持, thanks a million!

再次到紐約

今次到紐約, 首次遇到冰雨。以前聽劉華首"冰雨", 只係當一般情歌, 今次自己終於知道原來d歌詞係有感覺而寫。"冷冷的冰雨在臉上胡亂的拍" 呢一句最貼題, 好痛, 好似好多粒細石打落黎, 而我既生活就離唔開兩個街口, 因為又落埋雪, 一陣又落雨, 塊地下開始結冰, 好跣, 厘係酒店訓下好過。

返到溫哥華, 搵到阿允同我食飯。我地去左一間好好食既日本料理食。我地又不知不覺又吹左兩個鐘水。

好快, 兩星期後, 我會同PSM一齊再去紐約, 今次仲有"嚇直"嘉賓同行........就係驚天地, 泣鬼神, 令人聞風喪膽, 超正義綠魔"朱夢琴"。(又要再多謝PSM舊事重提!)