係咪有鬼?

前幾日去台北, 第二朝係酒店大堂集合果陣, 同事都係問果句:「擒晚訓唔訓到?」

由於呢句係我地之間既"經常無意識豬野", 所以我都照慣例答:「訓唔到!」點知同事竟然答我:「係咪有鬼?」呢句說話一出, 我即刻醒一醒, 我真係有咁諗過!

我問佢點知架, 佢話:「你係咪覺得有人搞你床尾, 係咪震震下?」
我:「係呀! 好似"O嬋"張按摩椅咁囉! 你地都係咁呀?」
同事:「ga妹話應該係地震!」我恍然大悟。

++++++++++++++++++++++++++++++++++++++++++++

件事其實係.......冇乜事, 只係我少見多怪。我唔係第一次遇到地震, 但係一d唔係經常發生既事, 就一定唔會放係心。

夜半一點鐘先去到酒店, 攤係張床"泡埋"本死亡筆記, 我自問都幾大膽, 都唔膽心或形住酒店有鬼, 睇睇下已經三點, 訓啦, 點知開始有d睡意, 就覺得床尾開始郁。我即刻諗起前排有套日本鬼片個trailer, 隻野將張床搬里搬去。

當時我諗既野係跳床好, 開燈好, 定係扮訓好? 哈哈, 我做左其中兩樣!

最後, 我都係hea返係張床, 點解? 原因有兩個: 一, 我要堅持我懶人本色, 我根本唔願郁, 仲有兩個鐘都走囉! 二, 我想起太后名言:「鬼見到你班嘩鬼都走夾唔投啦！」

就係咁過左一晚啦!

又壞機!

係咪壞開有條路呢?

今次到錄影機! 我簡直破產! 其實都差唔多到期, 佢都跟左我八年幾, 搦去整, 分分鐘仲鬼過買過架新既。呢個月真係置左好多新野, 繼之前既notebook, 切過部desk top, LCD芒之外, 我仲買左部讀碟王, 真係有D肉痛!

但係, 以我既性格, 舊既唔去, 新既點里呢?

情迷Keroro!

我淨係知呢套卡通已經播左好耐! 終於有機會睇, 唔睇尤自何, 一睇收唔到掣! 好笑, 好賤, 好爽! 最正係d對白, 絕對係一套比大人睇既卡通。

無事....還是很忙!

臨大假尾聲, 開始左我無事忙既一榨野.......唔知點形容。

返工後, 繼續我既shopping duty, 去完韓國之後, 又同阿ball一齊飛倫敦。六年幾以來, 第一次一齊飛, 轉眼間, 我同阿ball, 錢生原來都識左九年啦, 出年慶祝下囉!

返香港, 搦返部家用電腦, 又要由頭load返晒d programme入去, 好彩大部分既資料都keep得到。

今日返學, 又覺得時間唔夠用, 因為下星期要考試。唔單只咁, 仲有公司既一年一次既emergency training test又里啦, 我邊有咁多時間讀呀?

意料之外!

剛收到一個公司既衣貓, 通知我下個月做唔成高鐘仔! 即係話, 我唔可以放禮拜六, 點返學呢?

聽日就知我點死啦, 希望唔好咁多朽絞機, 等我可以易d丟走d我唔想要既!

給大侄女的說話

前日收到大侄女的衣貓, 知道你係關島已經settle down, 都戥你高興, 我好羨慕你呀, 可以去關島實習一年。同埋我已經將你個blog同photo gallery加入左我既link。一年好快過架喳, 比心機呀!

你個blog我已經睇左一部份, 加深左我對你既認識, 但係我唔知你原來都幾潺個喎! Anyway, take care of yourself!

我見到你影D相, 好靚呀! 新機果然唔同!

我放多一日假就返工啦, 實在有D唔捨得!

靚仔相!

一塌胡塗

錢生果然無講錯, 我部電腦真係hang左!

唔係馬後炮, 我同佢拖拖拉拉已經四個幾月, 佢僥倖可以生存多既日子, 就當係利息。

擒晚hang左, 今日下晝無辦法再用復原法, 局住搦去比人整。行過豐澤, 順便望下D notebook。攪完一輪之後, 發覺有部平同埋幾靚仔, 16:9, 睇戲幾靚既, 於是就扑錘! 由於今日好忙, 得閒先post番張靚仔相比大家睇!

一塌胡塗既事亦係由呢一刻開始!　大家唔好見笑！

雖然部機已經乜野都set好晒，但係我忽然想起網上行load sign in個隻碟, 我一早就dump左, 去門市問, 點知原來要打電話去問, 仲要收$50, 真係過份。我拗完一輪後, 佢先waive左個charge, 但要一個禮批拜先寄到比我, 咁點好呢?

返到豐擇搦機, 個sales同我講, XP係可以自動detect, 返屋企後, 又打電話去網上行, 等佢教我!

跟住就load返自己D programme, 最論盡係我既無記性又出場啦! D cable線一大舊, 亂七八糟, 我仲覺得我記得邊條係變條。攪左成晚, 差唔多七個鐘, 點解都無辦法連線.....最後攪到電話線都jam埋。算啦, 聽日先算!

間細房同個廳比我攪到周圍都係cable, USB, CD rom, 同唔同機器既紙盒....etc。執完之後，心有不甘, 又再試過連線, 今次終於得啦, 我真係將D cable插亂晒.........

急不及待要寫今日既blog, 我覺得原來無左個電腦真係唔得架!

後記: 擒日同靚女珍食完飯, 佢部腦原來都game over左, 佢都話想買過部notebook, 點知我今日就買左, 如果比佢知道我今日買左呢部notebook, 後果真係.......

死亡筆記

今日急不及待去睇, 好緊湊, 強烈推介。

由於衝忙得滯, 我又唔記得帶staff ID, (暑假都有特價飛$35, 好抵!) 唯有買原價飛。 我無留意呢套戲原來兩個鐘, 所以當我睇到個半鐘果陣, 仲諗點解都好似唔會完既感覺, 仲做幾耐呀, 雖然好緊張, 但係我又好想去廁所。再過多十五分鐘, 兩主角 - 夜神月同L終於相遇, 咁死啦, 呢道先至係戲玉既開始, 仲做幾耐?

當我疑惑之際, 銀幕打出"11月, 終極決戰", 原來有下集!

我會努力睇埋漫畫版, 再黎睇大結局!

沉船記

今日係天文大潮, 亦終於有人黎打救呢隻係上次一號風球(8月3日)唔知點樣情形之下擱淺左既內河船。

濛查查的......

近排係屋企既時間多左, 但係天氣好既日子, 寥寥可數! 前日係唯一一日可以好清楚望到西環。今日又一號風球, 晏晝起身一望, 白煙蓋過晒所有野。雖然唔覺好熱, 但就完全好似呼吸唔到空氣咁, D白煙好似將所有野焗埋一齊, 睇下幾時熟。

因為咁樣, 我呢個懶人又有一個好好既藉口係屋企hea。都唔知點解, 我經常見光"死"! 日光白白, 我話訓就訓, 訓幾耐都得! 夜晚, 我就鬼打都無咁精神。我覺得香港應該有D通宵既地方, 可以比我呢D"時差人"hea, 例如書局, 乜mart物mart之類, 最好仲有24小時gym, 我到時想excuse自己唔做運動都唔得啦!

擒日, 我根本都唔在意係七月十四。就算我係街邊見到人燒衣, 都唔醒爬。直至夜晚, 開收音機, 聽到個主持係咁講, 我先醒起! 唔緊要啦, 最多咪聽朝先dum垃圾! 於是繼續睇DVD同"死亡筆記"。

點解放假既時候硬係過得特別快, 眨下眼, 又一星期, 又要溫下我D人參話, 好難呀! 尤其係個字既尾音係"L", 又唔係捲利, 又要整個er音, 真係頭痕!

萬能勇士戰群魔

我比較崇洋, 所以鬼佬野唔係好arm我, 卡通都唔例外! 而呢套可以話係萬中無一既! 無三十既都唔會睇過呢套卡通, 對於細路時既記憶, 都已經好模糊。

兩星期前, 行開街買VCD, 咁arm開始promote超人回歸, 所以VCD舖都將一D有關既野都擺晒出黎。開頭只係見到DVD, 好貴, 後未就見到有VCD版擺係特價架, $19, 好抵, 所以即刻買左兩隻重溫!

記得以前一星期只係做一次, 半個鐘。我鍾意睇係因為好straight forward, 同埋有好多角色。除左有固定既, 集集都出場既超人, batman, robin同神奇女俠之外, 仲有好多featuring character, 好似閃電俠, 蜘蛛俠, 潛水俠, 綠光俠, 連泰山都有份, 真係好攪野, 仲有一D連名都諗唔起既, 但又好似有D印象既人物。以前唔興featuring呢個字, 但係創作上已經存在左好耐!

睇完之後, 先發現仲有一對我想重溫佢地施法既人物尚未出現..........雙指少俠! 係一男一女, 每人帶住半邊戒指, 當兩邊戒指併埋之後, 就有法力可以變身架啦! 好頂癮架!

三號風球之下.....運吉!

掛左兩日三號風球, 都係依然懶洋洋!

擒日做過乜野黎, 已經唔記得! 只係覺得都唔似打風......
但, 今日, 打風既感覺好強烈。由於風大雨大, 有乜好做, 咪又繼續同PSM"午間小敘", 今次我地揀左coffee shop, 因為大家都諗到咁大風, 都無乜地方可以去! Hea到咁上下, 風雨仲係咁大, 都要搵d野做架! 我今日搵到d好好玩既野........銀行櫃員機!

有無留意d櫃員機成日轉緊款, 除左一般既提款機, 入票機, 打簿機之外, 原來仲有存款機。我仲以為係以前個d存左錢要第二日有人點數先入數個隻舊野, 原來一路我無用既呢架機, 已經upgrade左啦!

我見PSM入數, 點解好似玩得咁開心既? 咪八掛走埋去睇下囉! 原來咁過癮, 可以一次過掉三十張銀紙比架機數, 數完仲即刻入數, 好玩阿! 我又玩!

好快就返左屋企, 因為實在太大風。之後先發現, 原來今日好多地方都吹大風, 而機場仲係吹烈風, 所以我公司d機全部取消晒, 真係估唔到個環流雨帶咁勁, 好彩我放緊假, 唔係就真係唔知點好!

飯氣攻心, 無端端又訓著左, 所以......今晚肯定係失眠夜。仲有一日, 我就上人參話第二堂, 但係我仲未溫書喎, 呢次大鑊! 點解今個禮拜過得咁快既? 我都無乜做過野, 只係訓左幾覺, 食左幾餐.......之嗎!

一號風球的晚上

又到左清醒既時間! 真係越夜越精神!

一號風球既晚上, 好似幾平靜。睇雜誌時, 只係間中見到窗外閃電, "給漆黑的天際劃上一筆筆的光彩", 好詩意噢! 今晚, 煲埋湯, 飲埋, 都仲係非常精神。一路聽住側田演唱會, 一路睇雜誌, 完全唔覺得"支力"。

我覺得我個電腦就黎會同我byebye, 硬係好耐先同條寬頻線talk到, 跟住就stuck左無返應, 要息大掣, 當突然無電呃個system由頭黎過, 佢患左呢個病都好幾個月啦, 只不過當我想ling去整, 佢又無事, 算啦!, 再睇下點先! 有無人知佢患左咩野病呀?

我有少少擔心會唔會成個假期都係做夜遊人呢?

放假的第一天

又係講第一......既野!

做左D咩? 相信訓左差唔多20個鐘, 一D都無誇張。事緣上星期去過美國........

我一向都有jetlag既問題, 經常日夜顛倒。星期五晚, 訓唔著.......直踩到星期六上完堂, 訓左兩個鐘, 又醒左, 因為差唔多又到深夜, 自然醒晒! 跟住又一路訓唔著, 再直踩到星期日返工做埋個KL turnaround, 返到香港, 再去埋超市買飯盒同一大堆野, 先返屋企, 一食完飯, 連做緊美女廚房都無辦法掙落去, 我可以用collapse黎形容.....一直訓到今日下晝四點, 中間都起過身飲水同去廁所, kimochi噢!

好慶幸我記得息電話, 唔係實有D討厭, 奄悶, 唔等洗, 唔知訂, 無聊既電話, 錄音, 銀行cold call。對於呢D騷擾, 我都幾無奈, 因為我被嘈醒, 但係可以理解。不過, 有D係惡意, 例如不停咁打黎, 由得電話無人聽, 一路響到自然斷線, 依然唔醒水, 唔知對方唔想接電話。

結論係, 想訓覺好既, 一定要息電話。